1 mamyrda Astanada Reseidıŋ eŋbek sıŋırgen jattyqtyruşysy, mänerlep syrǧanaudan bapker Eteri Tutberidzenıŋ «Mūzdaǧy chempiondar» atty mūz şouy ötuı tiıs edı. Alaida bügın, 1 säuırde onyŋ toqtatylǧany belgılı boldy, dep habarlaidy «Adyrna» tılşısı.
Şouǧa Alina Zagitova, Evgeniia Medvedeva, Aleksandra Trusova jäne basqa da mänerlep syrǧanauşylar, sonyŋ ışınde Elizabet Tūrsynbaeva qatysady dep josparlanǧan bolatyn. Tūrsynbaeva — Qazaqstan tarihynda älem chempionatynyŋ kümıs jüldesın ielengen alǧaşqy sportşy.
«Mash na sporte» Telegram-arnasynyŋ mälımetınşe, ūiymdastyruşylar «Barys Arena» keşenımen kelısımşartty 2025 jyldyŋ tamyz aiynda jasaǧan, al qazan aiynda memlekettık organdardan mūz şouyn ötkızuge resmi rūqsat alǧan.
«Alaida Olimpiada oiyndary aiaqtalǧannan keiın arena ökılderı eşqandai tüsınıkteme bermesten kelısımdı būzdy», – delıngen habarlamada.
Mäskeudıŋ Ukrainadaǧy soǧysyn qoldaityn änşıler men öner adamdarynyŋ Qazaqstandaǧy gastrol, kezdesu-keşterı aldyn-ala josparlanyp, ötpei qaluy üirenşıktı jaiǧa ainaldy. Taiauda änşı Polina Gagarinanyŋ 5 säuırge Astanada josparlanǧan konsertı de ötpeitın boldy.
