Nepal men Qytai şekarasyndaǧy joiqyn su tasqynynan keiın Qazaqstannyŋ üş azamaty ız-tüzsız joǧalyp kettı, dep habarlaidy "Adyrna" ūlttyq portaly.
Būl turaly Qazaqstannyŋ syrtqy ıster ministrlıgı habarlady. Būǧan deiın ekı qazaqstandyq äieldıŋ joǧalǧany habarlanǧan bolatyn. Qazır olardyŋ qatarynan üşınşı azamatşa da tabiǧi apat bolǧan aumaqta boluy mümkın ekenı anyqtaldy. Üşeuınıŋ de qazırgı ornalasqan jerı belgısız. Qazaqstandyq diplomattar Nepal jäne Qytaidyŋ memlekettık organdarymen bailanysta bolyp, joǧalǧan azamattardy ızdeu jūmystaryn jalǧastyryp jatyr.
Eske salaiyq, 26 tamyzda Nepalda joiqyn su tasqyny boldy. Tabiǧi apat saldarynan 160-tan astam adam qaza tapty. Aldyn ala mälımet boiynşa, apatqa Gimalaidaǧy mūzdyqtyŋ ırı bölıgınıŋ opyrylyp tüsuı sebep bolǧan.
27 tamyzda Memleket basşysy Qasym-Jomart Toqaev Qytai töraǧasy Si Szinpinge Siszan avtonomiialyq audanyndaǧy tabiǧi apatqa bailanysty köŋıl aitu jedelhatyn joldady. Prezident qaza tapqandardyŋ jaqyndaryna qoldau bıldırıp, joǧalǧan azamattardyŋ otbasylarymen tezırek qauyşuyna ümıt artatynyn jetkızdı.
