Jetısu oblysynda bırqatar jük kölıgınıŋ avtomatty salmaq baqylau jüiesınen ainalyp jürgenı anyqtaldy. Tasymaldauşylar «Saryözek – Köktal» avtojolyndaǧy baqylau beketın ainalyp ötu üşın öndırıstık maqsattaǧy tehnikalyq joldy paidalanǧan, dep habarlaidy "Adyrna".
Qūqyq būzuşylyqtyŋ aldyn alu maqsatynda Bas kölık prokuraturasynyŋ üilestıruımen «QazAvtoJol» atalǧan joldy japty. Qazır jük kölıkterı salmaqtyq baqylaudan avtomattandyrylǧan arnaiy stansiia arqyly ötedı.
Baqylau şaralaryn küşeitu üşın arnaiy jūmys toby qūryldy. Kölık prokurorlary jük tasymaly salasyndaǧy zaŋ būzuşylyqtardy anyqtau boiynşa tūraqty türde tekseru jürgızıp keledı.
QR Bas kölık prokurorynyŋ orynbasary Aqan İskakovtyŋ aituynşa, jyl basynan berı kölık baqylau inspeksiiasy salmaq talaptaryn saqtamaǧan 22 myŋ tasymaldauşyny äkımşılık jauapkerşılıkke tartqan. Olarǧa jalpy somasy 6 mlrd teŋgege juyq aiyppūl salynǧan.
Sonymen qatar kölıkterdıŋ belgılengen normadan artyq jükpen jolǧa şyǧuyna jaǧdai jasaityn käsıporyndarǧa da baqylau küşeitılgen. Osy kezeŋde mūndai talaptardy būzǧan 363 subekt jauapkerşılıkke tartylǧan.
