Būrynǧy bankir Jomart Ertaev sot taǧaiyndaǧan jazasyn tolyq öteuıne bailanysty bostandyqqa şyqty. Būl turaly IIM Qylmystyq-atqaru jüiesı komitetı aitty, dep habarlaidy «Adyrna» tılşısı.
«Qoldanystaǧy zaŋnamaǧa säikes, atalǧan sottalǧan azamatqa qatysty alty jyl merzımge äkımşılık qadaǧalau jürgızıledı. Äkımşılık qadaǧalau – bas bostandyǧynan aiyru oryndarynan bosatylǧannan keiın adamnyŋ mınez-qūlqyn ışkı ıster organdary tarapynan zaŋda belgılengen tärtıppen baqylau», – delıngen habarlamada.
Jomart Ertaev 1972 jyly Almaty oblysynda düniege kelgen. 2000-jyldardyŋ basynda ol «Alians Banktı» basqarǧan, keiınnen BTA Bankte jäne Euraziialyq bankte qyzmet atqarǧan. Sondai-aq «Alma-TV» jäne Alma Group kompaniialaryna jetekşılık etken.
2009 jyly Ertaev «Alians Bankten» 1,1 mlrd AQŞ dollaryn jymqyru ısı boiynşa ūstalǧan. Tergeu izoliatorynda toǧyz ai otyrǧannan keiın oǧan şartty jaza taǧaiyndalǧan.
2020 jyly ol RBK Bank-ten 144 mlrd teŋge jymqyrǧany üşın 11 jylǧa sottalǧan. 2021 jyly jaza merzımı toǧyz jylǧa deiın qysqartylǧan.
2025 jyldyŋ küzınde Ertaev raqymşylyq aiasynda şartty türde merzımınen būryn bosatylǧan bolatyn. Alaida keiın şartty türde merzımınen būryn bosatu turaly qaulynyŋ küşı joiylyp, ol qaitadan tüzeu mekemesıne qaitaryldy.
