Eks-prezident Nūrsūltan Nazarbaevtyŋ nemere ınısı Qairat Satybaldy bostandyqqa erte şyǧatyn boldy. Būl turaly bügın, 16 tamyzda Şyǧys Qazaqstan oblysynyŋ soty mälımdedı, dep habarlaidy “Adyrna” ūlttyq portaly.
Öskemen qalasynyŋ №2 soty Qairat Satybaldynyŋ ötelmegen jazasynyŋ bölıgın jeŋıl jazaǧa auystyru turaly ötınışın qarady.
«Öskemen qalasynyŋ №2 soty sottalǧan Qairat Satybaldynyŋ jazasynyŋ ötelmegen bölıgın jazanyŋ neǧūrlym jeŋıl türıne auystyru turaly ötınışhatyn qarady. Qairat Satybaldy mülkı tärkılenıp, memlekettık qyzmet atqaru qūqyǧynan 10 jylǧa deiıngı merzımge aiyryla otyryp, 6 jylǧa bas bostandyǧynan aiyrylǧan bolatyn. Sottalǧan özınıŋ ötınışhatynda jazasynyŋ ötelmegen bölıgın neǧūrlym jeŋıl türıne auystyru turaly ötınışhatyn beru üşın zaŋnyŋ barlyq talaptaryn oryndaǧanyn atap körsetken», - dep jazdy sot.
Öz ötınışınde ol keltırılgen zalaldy ötegenın, sondai-aq memleketke 700 milliard teŋgeden astam aqşa men mülıktı öz erkımen bergenın mälımdegen.
Sot onyŋ ötınışın qanaǧattandyryp, bas bostandyǧynan aiyru jazasynyŋ ötelmegen bölıgın 3 jyl 3 ai 7 kün merzımge auystyrdy. Ol probasiialyq baqylauǧa alynady.
Bas bostandyǧynan aiyru ornyndaǧy merzım bostandyqty şekteuge auystyryldy.
Qairat Satybaldy sot barysynda Qazaqstan halqynan keşırım sūrady.
«Men öz kınämdı moiyndadym, tolyq ökınemın. Barlyq zaŋsyz aktivterdı qaitaru kerek boldy - mūnyŋ bärı qaitaryldy. Men prezidenttıŋ aktivterdı qaitaru jönındegı saiasatyn tolyqtai qoldaimyn. Menıŋ mysalym basqalarǧa belgılı bır qorytyndy jasauǧa jaqsy ülgı bolady dep oilaimyn. Qate äreket bolǧan jerde, men bıreudı renjıtken bolsam, barlyǧynan keşırım sūraimyn», - dedı Qairat Satybaldy sot barysynda.
Eske salaiyq, 2022 jyldyŋ 26 qyrküiegınde sot Nazarbaevtyŋ nemere ınısı Qairat Satybaldyny ūrlyq jäne ekı kompaniiaǧa mülıktık zalal keltırgenı üşın alty jylǧa bas bostandyǧynan aiyru turaly ükım şyǧarǧan bolatyn. 2023 jyly eks-prezidenttıŋ tuysqanyna qatysty basqa da qylmystardy tergeu jalǧasty. Qairat Satybaldyǧa qatysty qylmystyq jolmen alynǧan kırısterdı jylystatu ısı sotqa 10 qaŋtarda tüstı. Al 1 säuırde Satybaldy būl ıs boiynşa kınäsın moiyndady. Säuırdıŋ 11-ı künı Astanada Satybaldaǧa qatysty aqşany jylystatty degen aiyp boiynşa sottyŋ keiınge şegerılgenı belgılı boldy.
2024 jyldyŋ 12 tamyzynda Satybaldy ısı boiynşa 733 milliard teŋgege juyq aktivter memleketke qaitarylǧany habarlandy. Sodan keiın korroziiaǧa qarsy agenttık qandai aktivterdıŋ talqylanyp jatqanyn tüsındırdı.
