Memleket basşysynyŋ tapsyrmasy boiynşa «Qazaqstan temır joly» kompaniiasy jüzege asyryp jatqan temırjol infraqūrylymyn auqymdy jaŋǧyrtu jūmystary aiasynda Qaraǧandy oblysyndaǧy 14 temırjol vokzaly men jolauşylar platformasy qamtyldy.
Baǧdarlama kölık qyzmetınıŋ sapasyn arttyruǧa, jolauşylar üşın zamanaui ärı qauıpsız jaǧdai jasauǧa, sondai-aq jürıp-tūruy şekteulı azamattardyŋ infraqūrylym nysandaryna qoljetımdılıgın qamtamasyz etuge baǧyttalǧan.Bügınde jaŋǧyrtylǧan 11 nysan paidalanuǧa berıldı. Jolauşylar Nūra, Qaraǧandy-Sūryptau, Jaŋa Qaraǧandy, Sarybel, Myrza, Däriia, Aǧadyr jäne Moiynty stansalaryndaǧy jöndeuden ötken vokzaldardy,
sondai-aq Aisa, Temırtau jäne Qaraǧandy-Sūryptau stansalaryndaǧy jaŋartylǧan jolauşylar platformalaryn paidalanyp jür. Al Jaryq, Balqaş-2 jäne Saryşaǧan stansalaryndaǧy jūmystar aiaqtalu satysynda.
Ärbır nysandy rekonstruksiialau keşendı jaŋǧyrtudy közdeidı. Onyŋ aiasynda ǧimarattar men platformalarǧa kürdelı jöndeu jürgızılıp, injenerlık kommunikasiialar, sonyŋ ışınde sumen jabdyqtau, jylumen qamtu, elektrmen jabdyqtau jäne kärız jüielerı tolyq auystyryluda. Sondai-aq ǧimarattardyŋ qasbetterı men ışkı bölmelerı, kütu zaldary, sanitarlyq toraptar, jaryqtandyru jüiesı, jihazdar men navigasiialyq körsetkışter jaŋartylyp, vokzal maŋy aumaqtary men jolauşylar perrondary abattandyryluda.
Jobada kedergısız orta qalyptastyruǧa erekşe nazar audarylǧan. Vokzaldarda pandustar ornatylyp, qolaily sanitarlyq bölmeler men mümkındıgı şekteulı jolauşylarǧa jäne balaly otbasylarǧa arnalǧan kütu oryndary jabdyqtalǧan. Būl temırjol infraqūrylymyn halyqtyŋ barlyq sanaty üşın barynşa qoljetımdı ärı jaily etuge mümkındık beredı.
Jaŋǧyrtylǧan nysandardyŋ bırı – 1965 jyly salynǧan Qaraǧandy-Sūryptau stansasynyŋ vokzaly. Ūzaq jyldar boiy paidalanylǧan ǧimarat kürdelı jaŋartudy qajet etken bolatyn. Qazırgı taŋda būl stansiia arqyly 21 jolauşylar poiyzy qatynaidy. Jürgızılgen rekonstruksiia nätijesınde jolauşylarǧa zamanaui jaǧdai jasalyp, jailylyq pen qauıpsızdık deŋgeiı edäuır artty.
Temırtau qalasynyŋ Aqtau kentındegı Myrza stansasynyŋ vokzaly da aitarlyqtai jaŋardy. Mūnda şatyr, qasbet, ışkı bölmeler, injenerlık jelıler, perron men araldyq platforma tolyq jaŋartylyp, jaŋa jaryqtandyru jüiesı men qorşaular ornatyldy.
Däriia stansasynyŋ vokzaly da zamanaui kelbetke ie boldy. Onda kütu zaldary, jeldetu jäne kondisionerleu jüielerı, aqparattyq stendter, qyzmettık bölmeler, sondai-aq jürıp-tūruy şekteulı jolauşylarǧa arnalǧan infraqūrylym jaŋartyldy.
Osakarov audanyndaǧy Sarybel stansasynyŋ vokzaly da kürdelı jöndeuden keiın qaita aşyldy.
Mūnda ǧimarat tolyq jöndeuden ötkızılıp qana qoimai, injenerlık jelıler jaŋǧyrtyldy, vokzal aumaǧy abattandyryldy, jolauşylar üşın jaily jaǧdai jasalyp, kedergısız orta qamtamasyz etıldı.
