Qaraǧandy oblysynda bılım beru mekemelerın kezeŋ-kezeŋımen jaŋartu jūmystary jalǧasuda. Biyl öŋırde 265 bılım nysanynda aǧymdaǧy jäne kürdelı jöndeu jürgızıldı. Onyŋ ışınde 180 mektep, 64 balabaqşa, 14 qosymşa bılım beru mekemesı, 6 kolledj jäne erekşe bılım beru qajettılıkterı bar balalardy qoldau ortalyǧy qamtyldy.
Kürdelı jöndeu jūmystary 32 nysanda, onyŋ ışınde 29 mektepte jürgızılude. Taǧy 232 bılım ordasynda aǧymdaǧy jöndeu jasaldy. Jaŋǧyrtu baǧdarlamasynyŋ basty maqsaty – balalar men ūstazdar üşın qauıpsız ärı jaily jaǧdai jasau.
Jaŋartylǧan mektepterdıŋ qatarynda Qaraǧandydaǧy Säken Seifullin atyndaǧy gimnaziia bar. Ol 1962 jyly №92 orta mektep retınde aşylǧan. Qazır mūnda şamamen 750 oquşy bılım aluda. Jaŋa oqu jylynda 75 bırınşı synyp oquşysy qabyldandy.
– Jazda ǧimarattaǧy baspaldaqtar, esıkter men linoleum auystyryldy, elektr jelılerı men sanitarlyq-tehnikalyq jabdyqtar jaŋartyldy. Ötken jyly «Qazaqstan halqyna» qorynyŋ baǧdarlamasy aiasynda himiia, biologiia jäne fizika kabinetterı jaŋa qūraldarmen jabdyqtaldy, – deidı mektep direktory Saltanat Jünısova. – Kelesı jyly fasad pen elektr jüiesın auystyru josparlanǧan.
№50 negızgı orta mektebınde de auqymdy rekonstruksiia jürgızılude. Būl bılım ordasy alǧaşqy oquşylaryn 1962 jyly qabyldaǧan, bügınde mūnda 585 bala oqidy. Biyl jazda ekı jyldyq jöndeu jobasy bastaldy. Qazırdıŋ özınde fasady, şatyry, terezelerı jäne bırınşı qabat edennen töbege deiın tolyq jaŋartyldy.
– Mektebımız jaŋǧyrtu baǧdarlamasyna endı, bırınşı qabattaǧy üş bastauyş synyp pen eŋbek kabinetterı jaŋa jihazben jabdyqtaldy, – deidı mektep direktory Janar Balapanova. – Sondai-aq sportzal men ashananyŋ rekonstruksiiasy aiaqtaluǧa jaqyn. Būl jūmystar bızdıŋ tūraqty baqylauymyzda. Keler jyly ekınşı jäne üşınşı qabattar jöndelmek.
1200-den astam bala bılım alatyn №5 qosymşa bılım beru mektep-ortalyǧynda kürdelı jöndeu kezeŋ-kezeŋımen jüzege asyryluda. 2024 jyly jylytu jüiesı men terezeler auystyryldy. Biyl fasad, sportzal jäne sanitarlyq toraptar jöndeldı.
– Biyl bız üiırmelerge arnalǧan jaŋa kabinetter men erekşe bılım beru qajettılıkterı bar balalarǧa arnalǧan sensorlyq kabinet aştyq, sonymen qatar kıtaphanany jaŋarttyq. Keler jyly qalǧan qabattardy jöndeu jäne aumaqty abattandyru josparlanǧan, – dedı mektep direktory Torǧyn Nūrmaǧambetova.
Jobany 2027 jylǧa deiın tolyq aiaqtau közdelıp otyr.
