Foto: Pavel Seleznev / TASS
Resei kelıssözder jürgızuge daiyn, alaida sol kezeŋde Ukrainadaǧy soǧysty toqtatpaidy. Mūndai mälımdemenı 12 qyrküiek Resei Syrtqy ıster ministrı Sergei Lavrov jasady, dep habarlaidy “Adyrna”.
«Eger Vladimir Zelenskii kezdeskısı kelse, Mäskeuge kelsın», – dedı Resei ministrı Niu-Delide ötıp jatqan BRİKS sammitı barysynda.
Resei prezidentı Vladimir Putin men Ukraina prezidentı Vladimir Zelenskii Maiamide ötetın G20 sammitı aiasynda kezdesuı «mümkın emes». Būl turaly Vladimir Putinnıŋ baspasöz hatşysy Dmitrii Peskov Niu-Delide AFP agenttıgıne bergen sūhbatynda aitty.
Ol Ukraina basşysynyŋ ūsynysyn qabyldamai, kezdesu tek Resei astanasynda ötuı mümkın ekenın aitty.
AFP tılşısı Kreml kelıssözder ötkızuge basqa oryndy qarastyryp jatyr ma degen sūraq qoiǧan. Peskov būǧan: «Onymen (Zelenskiimen – red.) Mäskeude kezdesuge daiynbyz», – dep jauap berdı.
Ukraina prezidentı Vladimir Zelenskii 11 qyrküiekte DW-ge bergen sūhbatynda, eger Resei prezidentı G20 sammitıne qatysatyn bolsa, jeltoqsanda Maiamide Vladimir Putinmen kezdesuge daiyn ekenın mälımdedı.
«İä, ärine. Bız baruymyz kerek. Kezdesıp, söilesıp, şeşım qabyldauymyz qajet. Mäsele sözde emes. Men oǧan ne aitatynym nemese onyŋ maǧan ne aitqysy keletını maŋyzdy emes. Maŋyzdysy – nätije. Bar bolǧany osy», – dedı Zelenskii.
Vladimir Zelenskii men Vladimir Putin Reseidıŋ Ukrainaǧa qarsy 2022 jylǧy aqpanda bastaǧan keŋ auqymdy soǧysynan berı jeke kezdesken joq.
Resei prezidentı 2019 jyldan berı G20 sammitterıne qatysqan emes.
Qyrküiek aiynyŋ basynda AQŞ prezidentı Donald Tramptyŋ arnaiy ökılderı Stiv Uitkoff pen Djared Kuşner beibıt kelıssözderdı qaita bastau maqsatynda Mäskeu men Kievke barǧan. Keiın Financial Times basylymy kelıssöz jürgızuşılerdıŋ Mäskeu men Kievke saparlary naqty nätijege äkelmegenın jazdy.
