15 aqpanda AQŞ prezidentı Donald Tramp äkımşılıgınıŋ ökılderı Resei men Ukraina kelıssözşılerımen kezdesuge Saud Arabiiasyna attandy, dep habarlaidy "Adyrna" ūlttyq portaly.
Politico basylymynyŋ jazuynşa, Tramp äkımşılıgınıŋ joǧary lauazymdy tūlǧalary Saud Arabiiasyna Resei men Ukraina ökılderımen beibıt kelıssözder jürgızu üşın barady. Alaida ukrainalyq şeneunık būl kelıssözder turaly habarlama Kiev üşın kütpegen jaŋalyq bolǧanyn jäne qazırgı uaqytta ukrainalyq delegasiiany jıberu jospary joq ekenın mälımdedı.
Politico derekterıne säikes, AQŞ atynan kelıssözderge memlekettık hatşy Marko Rubio, ūlttyq qauıpsızdık jönındegı kömekşı Maik Uolts, Taiau Şyǧys jönındegı arnaiy ökıl Stiv Uitkoff qatysady.
Al Tramptyŋ Ukraina jönındegı arnaiy ökılı Kit Kellog būl kelıssözderge qatyspaidy.
"Europalyq Odaqtyŋ ırı memleketterınıŋ ökılderın şaqyru josparda joq", – dep jazylǧan jariialanymda.
Ūqsas jaŋalyqtar
