Foto: dsns_telegram
28 qyrküiek künı Kievke bırneşe ret dron şabuyly jasaldy. Şabuyldardyŋ bırı Ukraina Ūlttyq ǧylym akademiiasynyŋ ortalyqtaǧy tarihi ǧimaratyna, ekınşısı «Dobrobut» medisinalyq ortalyǧyna baǧyttalǧan. Būl turaly VVS jazdy, dep habarlaidy "Adyrna".
Kiev merı Vitalii Klichkonyŋ mälımetınşe, şabuyldar saldarynan bır äiel qaza tauyp, kemınde 19 adam jaralanǧan. Zardap şekkenderdıŋ arasynda üş bala bar.
Alǧaşqy şabuyl şamamen saǧat 13:30-da Vladimirskaia köşesınde ornalasqan Ǧylym akademiiasynyŋ üş qabatty ǧimaratyna jasalǧan. Dron soqqysynan keiın ǧimaratta ört şyǧyp, qūrylysqa aitarlyqtai zaqym kelgen. Qūtqaruşylar ǧimarat ışınde boluy mümkın adamdardy ızdestırdı.
Keiın saǧat 15:15 şamasynda Antonovich köşesındegı «Dobrobut» medisinalyq ortalyǧyna dron soqqysy tigen. Ukrainalyq BAQ-tyŋ habarlauynşa, mūnda jetı adam zardap şekken. Ǧimarattyŋ bırneşe qabaty men medisinalyq jabdyqtar zaqymdanǧan.
Şabuyldardyŋ bırınde Ukrainanyŋ būrynǧy Ūlttyq qauıpsızdık jäne qorǧanys keŋesınıŋ hatşysy Vladimir Gorbulin de jeŋıl jaraqat alǧan. Onyŋ jaǧdaiyn BBC-ge ekı derekköz rastaǧan. Aldyn ala mälımet boiynşa, onyŋ kömekşısı qaza tapqan.
Ukraina bilıgınıŋ mälımetınşe, soŋǧy künderı Kiev pen Kiev oblysyna şabuyldar jalǧasyp jatyr. Resei Qorǧanys ministrlıgı düisenbı taŋerteŋgı soqqylardyŋ nysanasy Kievtegı ekı data-ortalyq bolǧanyn habarlaǧan. Kündızgı şabuyldarǧa qatysty Resei tarapy äzırge tüsınıkteme bergen joq.
