Ukraina prezidentı Vladimir Zelenskii ukrain äskerı Kurskı oblysynda qorşauda qalmaǧanyn jäne öz mındetterın oryndaudy jalǧastyryp jatqanyn mälımdedı, dep habarlaidy "Adyrna" ūlttyq portaly.
Zelenskiidıŋ aituynşa, Ukraina qaruly küşterınıŋ Kurskı oblysynyŋ keibır audandarynda jürgızgen äskeri operasiiasy Reseidıŋ küşterın basqa baǧyttardan alşaqtatuǧa mümkındık bergen.
"Būl bızdıŋ taktikalyq maqsattarymyzdyŋ bırı boldy. Resei äskerı öz pozisiialaryn küşeitu üşın basqa aimaqtardan qosymşa küşterın tartuǧa mäjbür boldy", — dedı Ukraina basşysy.
Sonymen qatar, Zelenskii Reseidıŋ Ukraina soltüstıgıne, Sumy oblysyna jaŋa şabuyl jasauy mümkın ekenın eskerttı. Ol halyqaralyq serıktesterdı Resei prezidentı Vladimir Putinnıŋ josparlaryn eskerıp, tiıstı äreketter jasauǧa şaqyrdy.
Būǧan deiın AQŞ prezidentı Donald Tramp Putinnen Kursk oblysynda qorşauda qalǧan ukrain sarbazdarynyŋ ömırın saqtap qaludy sūraǧan edı.
"Resei būl ötınıştı oryndai alady, bıraq Kiev öz äskeri küşterıne berılu turaly būiryq beruı kerek", — dep Resei prezidentı Putin mälımdegen bolatyn .
Zelenskii būl aqparatty joqqa şyǧaryp, ukrain äskerı Kursk oblysynda qorşauǧa tüspegenın jäne äskeri operasiiany jalǧastyryp jatqanyn taǧy da rastady.
Ūqsas jaŋalyqtar
