Aqordanyŋ baspasöz qyzmetı bergen aqparatqa sai, äuejaida märtebelı meimandy saltanatpen, qūrmet qarauylmen qarsy alǧan.
Memleket basşysyn Prezident Şavkat Mirziioev qarsy aldy. Prezidenttıŋ Özbekstanǧa sapary baǧdarlamasyna memleket basşylarynyŋ jeke kezdesulerı jäne Qazaqstan men Özbekstannyŋ Joǧarǧy memleketaralyq keŋesınıŋ otyrysyna qatysuy kıredı.
Prezident Toqaev Özbekstan basşysy Şavkat Mirziioevtıŋ şaqyruymen memlekettık saparmen kelgennen keiın, Taşkent-Humo halyqaralyq äuejaiynda ekı memleket jetekşılerınıŋ kezdesuı öttı.
Köşbasşylar qazaq-özbek strategiialyq serıktestıgı men odaqtastyqty odan ärı tereŋdetu boiynşa pıkır almasqan.
Sapar baǧdarlamasyna säikes, erteŋ, 15 qaraşada joǧary deŋgeidegı kelıssözder jäne Joǧary memleketaralyq keŋestıŋ ekınşı otyrysy ötedı.
Kezdesuler barysynda bırlesken auqymdy jobalardy ıske qosu jäne ekıjaqty qūjattardyŋ maŋyzdy paketıne qol qoiu kütılude.
Qazaqstan prezidentı būdan aldyn memlekettık saparmen Mäskeuge barǧan. Onyŋ aldynda ekı el prezidentı de jūmys saparymen AQŞ-ta bolyp, Amerika basşysymen kezdesken.
