Astana – Qaraǵandy temirjol ýchaskesinde jekemenshik jolaýshylar poıyzynyń vagonynda órt shyqty, dep habarlaıdy "Adyrna" ulttyq portaly.
Bul týraly aqparatty "Qazaqstan Temir Joly" ulttyq kompanııasynyń baspasóz qyzmeti rastady.
22 naýryz kúni saǵat 11:13-te Qostanaı – Almaty baǵytynda qatynap júrgen №44 "Týrksıb Astana" jekemenshik jolaýshylar poıyzynyń vagonynda tútin baıqalǵan. Tótenshe jaǵdaı oryn alǵan soń, zardap shekkender men qurbandar joq ekeni habarlandy.
Órt shyqqan vagon dereý quramnan ajyratyldy. Oqıǵa ornyna Astana stanııasynan arnaıy órt sóndirý poıyzy jiberilip, temirjol qyzmetkerleri men Tótenshe jaǵdaılar departamentiniń (TJD) mamandary tilsiz jaýdy aýyzdyqtady.
Qazirgi ýaqytta órttiń shyǵý sebepteri men mán-jaıy anyqtalýda.
