Aşylu saltanatyna «Astana» futbol ortalyǧynyŋ tärbielenuşılerı, Qazaq futbolynyŋ ardagerlerı, otandyq futbol klubtarynyŋ jetekşılerı, Qazaqstan ūlttyq qūramasynyŋ bas bapkerı Magomed Adiev pen ūlttyq qūrama oiynşylary Bauyrjan İslamhan men Iаn Vorogovskii qatysty.
Būl muzei negızınen Semeide bastau alǧan Qazaqstan futbolynyŋ tarihyn jaŋǧyrtu üşın jasalǧan. Mädeni orynǧa elımızdıŋ tükpır-tükpırınen sporttyq jädıgerler, derekter jazylyp, qoiylǧan.
Qazaqstan futbol federasiiasyna muzeidıŋ aşyluyna orai FİFA jäne UEFA-dan qūttyqtau hattary kelıp tüstı.
Bırneşe ai būryn men sızderdıŋ ädemı elderıŋızge baryp, Qazaqstanda futbolǧa degen keremet qūştarlyq pen süiıspenşılıktı öz közımmen köru mümkındıgıne ie boldym. Muzei eldegı futboldyŋ 110 jyldyq tarihyna, ısterge, tūlǧalarǧa, sondai-aq sportymyzdy damytyp jatqan barlyq adamdarǧa qūrmet körsetuge öz ülesın qosatyny sözsız, - dep jazylǧan FİFA prezidentı Djanni İnfantinonyŋ hatynda.UEFA prezidentı Aleksander Cheferin de ūlttyq qūramany qūttyqtady.
Qazaqstan futbol federasiiasyn muzeidıŋ resmi aşyluymen qūttyqtaǧym keledı. Osyndai maŋyzdy oqiǧalar ūlttyq qauymdastyqtyŋ dūrys baǧytta damyp, UEFA-ǧa müşe qauymdastyqtar arasynda bedelge ie bolǧanynyŋ dälelı boldy. Sızderdıŋ UEFA klubtyq jarystaryna qatysularyŋyz jäne ūlttyq qūramanyŋ jetıstıkterı qauymdastyqtyŋ barlyq deŋgeidegı progressın körsetedı, al aldaǧy uaqytta europalyq futbolda odan ärı tolyq bäsekege tüsuge mümkındıkterıŋız bar. QFF-ǧa tabys tıleimın, öitkenı sızder būl därejege jetu üşın ūzaq joldan öttıŋızder jäne qazırgı tabystaryŋyz – futbolmen ömır süretın jäne futboldy jaqsy köretınderge arnalǧan, - delıngen hatta.Būl muzeide ataqty futbolşy, jattyqtyruşy Timur Segızbaevtyŋ jeke zattaryn köruge bolady. Ony Aigül Segızbaeva arnaiy tabystaǧan. Sondai-aq, sport jurnalisı Älım Iliiasūly muzei qoryna köptegen ädebiet pen basqa da jädıgerlerdı tapsyrdy.
Ūqsas jaŋalyqtar
