Ashylý saltanatyna «Astana» fýtbol ortalyǵynyń tárbıelenýshileri, Qazaq fýtbolynyń ardagerleri, otandyq fýtbol klýbtarynyń jetekshileri, Qazaqstan ulttyq quramasynyń bas bapkeri Magomed Adıev pen ulttyq qurama oıynshylary Baýyrjan Islamhan men Ian Vorogovskıı qatysty.
Bul mýzeı negizinen Semeıde bastaý alǵan Qazaqstan fýtbolynyń tarıhyn jańǵyrtý úshin jasalǵan. Mádenı orynǵa elimizdiń túkpir-túkpirinen sporttyq jádigerler, derekter jazylyp, qoıylǵan.
Qazaqstan fýtbol federaııasyna mýzeıdiń ashylýyna oraı FIFA jáne ÝEFA-dan quttyqtaý hattary kelip tústi.
Birneshe aı buryn men sizderdiń ádemi elderińizge baryp, Qazaqstanda fýtbolǵa degen keremet qushtarlyq pen súıispenshilikti óz kózimmen kórý múmkindigine ıe boldym. Mýzeı eldegi fýtboldyń 110 jyldyq tarıhyna, isterge, tulǵalarǵa, sondaı-aq sportymyzdy damytyp jatqan barlyq adamdarǵa qurmet kórsetýge óz úlesin qosatyny sózsiz, - dep jazylǵan FIFA prezıdenti Djannı Infantınonyń hatynda.
ÝEFA prezıdenti Aleksander Cheferın de ulttyq quramany quttyqtady.
Qazaqstan fýtbol federaııasyn mýzeıdiń resmı ashylýymen quttyqtaǵym keledi. Osyndaı mańyzdy oqıǵalar ulttyq qaýymdastyqtyń durys baǵytta damyp, ÝEFA-ǵa múshe qaýymdastyqtar arasynda bedelge ıe bolǵanynyń dáleli boldy. Sizderdiń ÝEFA klýbtyq jarystaryna qatysýlaryńyz jáne ulttyq quramanyń jetistikteri qaýymdastyqtyń barlyq deńgeıdegi progressin kórsetedi, al aldaǵy ýaqytta eýropalyq fýtbolda odan ári tolyq básekege túsýge múmkindikterińiz bar. QFF-ǵa tabys tileımin, óıtkeni sizder bul dárejege jetý úshin uzaq joldan óttińizder jáne qazirgi tabystaryńyz – fýtbolmen ómir súretin jáne fýtboldy jaqsy kóretinderge arnalǵan, - delingen hatta.
Bul mýzeıde ataqty fýtbolshy, jattyqtyrýshy Tımýr Segizbaevtyń jeke zattaryn kórýge bolady. Ony Aıgúl Segizbaeva arnaıy tabystaǵan.
Sondaı-aq, sport jýrnalısi Álim Ilııasuly mýzeı qoryna kóptegen ádebıet pen basqa da jádigerlerdi tapsyrdy.
