Qazaqstan Prezidentı Qasym-Jomart Toqaev boks sportyn Olimpiada baǧdarlamasyna qaitaruǧa yqpal etken äigılı boksşy Gennadii Golovkinge alǧys bıldırdı, dep habarlaidy "Adyrna" ūlttyq portaly.
Memleket basşysy chempiondardyŋ el namysyn qorǧauy zor jauapkerşılık ekenın atap öttı. Onyŋ aituynşa, sporttaǧy ärbır jeŋıs – bükıl halyqtyŋ abyroiy men memlekettıŋ bedelınıŋ körsetkışı.
«Bızdıŋ sportşylar ärbır jetıstıgımen ūlt densaulyǧyn nyǧaituǧa jäne salauatty ömır saltyn nasihattauǧa üles qosyp keledı. Chempion bolu – eldıŋ daŋqyn arttyru. Sondyqtan memleket ärdaiym sportşylardy qoldaidy», – dedı Prezident bokstan älem chempionatynyŋ jeŋımpazdary men jüldegerlerın marapattau räsımınde.
Sonymen bırge Qasym-Jomart Toqaev Olimpiadaǧa daiyndyqty qazırden bastau qajettıgın atap ötıp, Los-Andjeleste ötetın basty sport dodasynda qazaqstandyqtardan joǧary nätije kütıletının jetkızdı.
