Qazaqstanda 12 jyldyq bılım beru baǧdarlamasyn 11 jyldyq oqu merzımıne beiımdeu mümkındıgı zerttelıp jatyr, dep habarlaidy "Adyrna" tılşısı.
Osy maqsatta oqu-aǧartu ministrlıgınde arnaiy komissiia qūryldy.
Ministr Süleimenovanyŋ aituynşa, qazır vedomstvo bılım beru baǧdarlamalarynyŋ mazmūny men özara säikestıgın taldap jatyr. Atap aitqanda, 12 jylǧa eseptelgen oqu baǧdarlamasyn 11 jyl ışınde tolyq meŋgertu mümkındıgı qarastyryluda.
«Qazır bız bükıl baǧdarlamany 11 jyl ışınde aiaqtauǧa bolatyn-bolmaitynyn qarastyramyz. Nazarbaev ziiatkerlık mektepterı – tolyq kün oqityn mektepter. Balalar taŋǧy 8-de kelıp, keşkı 5-te ketedı. Olarda aptasyna segız jeke saǧat bar», – dedı ministr.
Onyŋ sözınşe, teoriialyq tūrǧydan 12 jyldyq bılım beru baǧdarlamasynyŋ mazmūnyn yqşamdap, ony 11 synyp aiasynda jüzege asyruǧa bolady. Osy mäselenı zerdeleu üşın arnaiy komissiia jūmys ıstep jatyr.
Sonymen qatar Jūldyz Süleimenova keibır ata-analar oqu merzımınıŋ ūzaqtyǧyna bailanysty balalaryn 10-synyptan keiın Nazarbaev ziiatkerlık mektepterınen alyp ketetının aitty.
«Balalaryn 10-synyptan keiın NZM-nen alyp ketetın ata-analar bar. Sebebı olar balalarynyŋ taǧy ekı jyl, onyŋ ışınde 11-synyptan keiın qosymşa bır jyl oqyǧanyn qalamaidy», – dedı ol.
Ministr būl jaǧdaida oquşylardy jalpy bılım beretın mektepterge auystyru kezınde qiyndyqtar tuyndaitynyn atap öttı. Sebebı jalpy bılım beretın mektepterde negızgı orta bılım 9-synyptan keiın aiaqtalsa, Nazarbaev ziiatkerlık mektepterınde būl kezeŋ 10-synyptan keiın aiaqtalady.
Jūldyz Süleimenovanyŋ aituynşa, äzırge 12 jyldyq bılım beru baǧdarlamasyn 11 jylǧa yqşamdau turaly tüpkılıktı şeşım qabyldanǧan joq. Komissiia oqu baǧdarlamalaryn zerdelep, qoldanystaǧy jüienıŋ tiımdılıgın baǧalaidy.
