Aqtau qalasyndaǧy Nazarbaev Ziiatkerlık mektebınıŋ informatika pänı mūǧalımı Aijan Erjanova Grekiianyŋ Afina qalasynda ötken 23-şı International Conference on Mobile Systems and Pervasive Computing (MobiSPC-2026) halyqaralyq konferensiiasyna qatysty.
18-20 tamyz künderı ötken halyqaralyq ǧylymi jiynda ūstaz «Developing Students’ Research Skills through STEM Education in the Context of the Internet of Things» taqyrybyndaǧy zertteu jūmysyn tanystyrdy. Zertteu jūmysy STEM bılım beru aiasynda oquşylardyŋ zertteuşılık daǧdylaryn damytuǧa jäne IoT (Internet of Things) tehnologiialaryn oqu üderısınde tiımdı qoldanuǧa baǧyttalǧan.
Konferensiia qorytyndysy boiynşa ūsynylǧan ǧylymi jūmystar Elsevier baspasynyŋ Scopus halyqaralyq derekter bazasynda indeksteletın Procedia Computer Science ǧylymi basylymynda jariialanbaq.
Halyqaralyq konferensiiaǧa qatysudyŋ taǧy bır maŋyzdy nätijesı - AQŞ-tyŋ Tehas ştatynda 1-4 jeltoqsan künderı ötetın International Workshop on Advances in Multimodal Learning şarasyna zertteu jūmysyn tanystyruǧa arnaiy şaqyrtu aldy.
