VI Düniejüzılık köşpendıler oiyndarynyŋ jeŋımpazy töŋıregındegı pıkırtalastardan keiın Qyrǧyzstan tarapy jarystarda resmi medaldyq jäne jalpykomandalyq esep jürgızılmeitının mälımdedı. Būǧan deiın Qazaqstan men ūiymdastyruşylar jeŋıp alynǧan jüldeler sany boiynşa ärtürlı mälımet ūsynǧan bolatyn, dep habarlaidy «Adyrna» tılşısı.
Tüsındırmenı Qyrǧyzstannyŋ Dene şynyqtyru jäne sport jönındegı memlekettık agenttıgı Instagram jelısınde jariialady.
«Düniejüzılık köşpendıler oiyndarynyŋ tūjyrymdamasyna säikes elder arasynda resmi medaldyq jäne jalpykomandalyq esep jürgızılmeidı. Oiyndardyŋ basty maqsaty – memleketterdıŋ jalpy reitingtegı oryn üşın bäsekelesuı emes, ortaq tarihi-mädeni mūra töŋıregınde bırıguı jäne etnosportty damytu», – delıngen habarlamada.
Eske salaiyq, būǧan deiın Turizm jäne sport ministrlıgı ūlttyq qūramanyŋ bırınşı oryn alǧanyn jazǧan edı. Ministrlık deregınşe, qazaqstandyq sportşylar 74 medal jeŋıp aldy. Onyŋ ışınde 32 altyn, 20 kümıs jäne 22 qola jülde bar.
Vedomstvo barlyq sport türı boiynşa nätijeler qaita tekserılgenın atap öttı. Qorytyndy tekseruden keiın de Qazaqstan qūramasynyŋ altyn medal sany özgermei, 32 bolyp qaldy.
Al Düniejüzılık köşpendıler oiyndarynyŋ ūiymdastyruşylary qorytyndy kestenıŋ basqa nūsqasyn jariialaǧan. Onda 30 altyn medal enşılegen Qyrǧyzstan bırınşı orynda körsetılgen. Qazaqstan 29 altyn medalmen ekınşı orynǧa jaiǧassa, üşınşı oryn jetı altyn medal jeŋıp alǧan Resei qūramasyna berılgen.
Aita keteiık, VI Düniejüzılık köşpendıler oiyndary Qyrǧyzstanda 2026 jyldyŋ 31 tamyzy ben 6 qyrküiegı aralyǧynda ötken bolatyn. Jarystarǧa üş myŋǧa juyq sportşy qatysqan. Baǧdarlamaǧa ūlttyq jekpe-jek, at sporty saiystary, ziiatkerlık oiyndar jäne özge de dästürlı sport türlerı engızılgen.
