Shymkenttik 85 jastaǵy qarııa Astanada ótip jatqan Kóshpendiler oıyndaryna velosıpedpen barýdy jón sanaǵan. Bul týraly Ontustiktv.kz jarııalady, dep habarlaıdy “Adyrna” ulttyq portaly.
Telearnanyń málimetinshe, 85 jastaǵy aqsaqal 1 500 shaqyrymdy velospıedpen eńserip ótip, jerlesterine qoldaý bildirmek nıette. Bul qadam ári densaýlyqqa da paıdaly, elde bolyp jatqan eleýli sharaǵa úles qosý – árkimniń azamattyq boryshy deıdi. Osy oraıda Astana tórinde ótip jatqan dúbirli dodany nasıhattap, eldiń atyn shyǵarýǵa atsalyspaq.
Jastaıynan velosıped aıdap, talaı saıysta top jarǵan Keńesbek Seıdimbekuly úshin bul sapar da qıynǵa soqpaıtyny belgili. Jolaýshyny Shymkentten jerlesteri, shákirtteri men ul-qyzdary shyǵaryp saldy.
Batagóı qarııa beıbit kúnde dúbirletip at shaptyryp, toı toılap júrgenimiz ata-babanyń armany edi deıdi.
