29 qazanda Túrkistan qalasynda «Olympic center» sport saraıynda alǵash ret qazaqtyń ulttyq kúresinen ótken «Turan Barysy» Azııa Kýboginde Qazaqstan quramasy jeńimpaz atandy, dep habarlaıdy “Adyrna” ulttyq portaly.
Jarysqa túrki memleketteri uıymynyń alty eli – Túrkııa, Ózbekstan, Ázerbaıjan, Qyrǵyzstan, Majarstan jáne Qazaqstan balýandary qatysty. Sportshylar jeti salmaq sanatynda beldesti: 55 kelige deıin, 60 kelige deıin, 66 kelige deıin, 74 kelige deıin, 82 kelige deıin, 90 kelige deıin jáne 90 keliden joǵary salmaqta.
Azııa Kýboginiń fınalyna Qazaqstan men Ózbekstan komandasy shyqty. Qazaqstandyq balýandar ózbek sportshylaryn 4:3 esebimen jeńip, týrnır jeńimpazy atandy. Aqtyq synda 90 keliden joǵary salmaqta qazaqstandyq Ǵalymjan Qyryqbaı ózbekstandyq Mýhsın Hısomýddınovty beldesýde jeńip, Qazaqstan quramasyna jeńis ákeldi. Qyrǵyzstan balýandary 4:3 esebimen Ázerbaıjan komandasyn jeńip, týrnırdiń 3-oryn ıegerleri atandy. Jeńimpaz komandalarǵa júlde qory taǵaıyndalyp, kýbok retinde Túrkistan sımvoly taıqazan berildi.
