Atyrauda tuystaryn öltıru ısı boiynşa ömır boiyna bas bostandyǧynan aiyrylǧan Sūltan Sarsemalievtıŋ äielı Aqbaian Mūqanǧalieva psihikalyq densaulyq ortalyǧyndaǧy emnen keiın balalarymen kezdestı, dep habarlaidy "Adyrna".
Būl turaly Atyrau oblystyq kämeletke tolmaǧandardy beiımdeu ortalyǧynyŋ direktory Qūndyz Ǧiniiatova habarlady.
Onyŋ aituynşa, Aqbaian Atyrau oblystyq psihikalyq densaulyq ortalyǧynda em qabyldap, keiın medisinalyq mekemeden şyǧarylǧan. Ol balalaryn ekı ret baryp körgen.
Alaida Aqbaiannyŋ emdeluı älı de jalǧasuy mümkın. Tuystarynyŋ aituynşa, ol psihikalyq densaulyq ortalyǧyna qaita baryp, 10 kün em qabyldaudy josparlap otyr.
Qazır Aqbaiannyŋ tört balasy – 10, 8, 5 jäne 4 jastaǧy balalar – Kämeletke tolmaǧandardy beiımdeu ortalyǧynda. Al bır jarym jastaǧy ūly mamandandyrylǧan böbekter üiınde tärbielenıp jatyr.
Ortalyq direktorynyŋ aituynşa, Aqbaian emdeludıŋ kelesı kezeŋınen ötken soŋ onyŋ jaǧdaiy qaita baǧalanady. Eger densaulyǧy mümkındık berse, balalaryn öz qamqorlyǧyna alu mäselesı qaraluy mümkın.
Ortalyqta balalardyŋ densaulyq jaǧdaiy qanaǧattanarlyq, emosionaldyq ahualy tūraqty ekenı aityldy.
Ülken balalary oquyn jalǧastyryp jatyr. 10 jastaǧy qyzy törtınşı synypta, 8 jastaǧy ūly üşınşı synypta oqidy. Mūǧalımder balalar ornalasqan ortalyqqa kelıp, sabaqtardy bekıtılgen keste boiynşa ötkızedı.
