Atyrau qalasy äkımınıŋ mındetın atqaruşy Tılek Mahuov uaqytşa ūstau izoliatoryna qamaldy. Būl turaly jurnalist Mihail Kozachkov özınıŋ Telegram-arnasynda jazdy, dep habarlaidy «Adyrna» tılşısı.
«Mahuov qalanyŋ kärız jelılerın kürdelı jöndeu jobasyna tüzetuler engızuge müddelı kompaniiadan 100 mln teŋge alǧan. Boljam boiynşa, qarajat atalǧan nysanda qosalqy merdıgerlık jūmystardy atqaratyn deldal arqyly berılgen»,– delıngen habarlamada.
49 jastaǧy şeneunık būǧan deiın Atyrau qalasy äkımınıŋ orynbasary qyzmetın atqarǧan. Sondai-aq qalalyq qūrylys basqarmasyn da basqarǧan.
Arna mälımetınşe, tergeu jūmystaryn Atyrau oblysy boiynşa ŪQK departamentınıŋ sybailas jemqorlyqqa qarsy ıs-qimyl qyzmetı öŋır prokuraturasymen bırlesıp jürgızıp jatyr.
Ūqsas jaŋalyqtar
