Atyraý oblysyndaǵy taǵy bir aýylda tótenshe jaǵdaı jarııalandy, dep habarlaıdy "Adyrna" tilshisi.
Qyzylqoǵa aýdanynyń ortalyǵy – Mııaly aýylyna Oıyl ózeninen tasqyn sý kirý qaýpi týyndaǵan. Sáıkesinshe aımaqta tótenshe jaǵdaı jarııalanyp, aýyl turǵyndaryn qaýipsiz jerge kóshirýge sheshim qabyldandy.
Qyzylqoǵa aýdany ákimdigi aýyl turǵyndaryn evakýaııalaý úshin Y.Shórekov atyndaǵy orta mektep-gımnazııa, H.Dosmuhamedov atyndaǵy orta mektep pen «Nur-Shýaq» balabaqshasy daıyn turǵanyn jetkizdi.
«Turǵyndardan aýdan ákimdigi, «Arman» mádenıet úıi men «Jańa arna» mekemesiniń ǵımaratyna jınalý suralady. Birinshi kezekte áıelder, balalar, naýqas adamdar, I, II, III- toptaǵy múgedekter kóshiriledi», - dep habarlady aýdandyq ákimdikten.
