Niu-Iorktegı Taims-skver maŋynda pyşaqpen qarulanǧan äiel ötıp bara jatqan adamdarǧa şabuyl jasady, dep habarlaidy “Adyrna”.
Oqiǧa 31 tamyz künı jergılıktı uaqyt boiynşa saǧat 16:30 şamasynda bolǧan.
Polisiia mälımetınşe, Kuins audanynda tūratyn 49 jastaǧy äiel ekı as üi pyşaǧymen 68 jastaǧy er adamǧa şabuyl jasap, onyŋ ış tūsyna pyşaq sūqqan. Arada bırneşe sekund ötken soŋ ol 32 jastaǧy äieldı jaralaǧan.
Ekı zardap şeguşı de auruhanaǧa jetkızılgen. Alaida 32 jastaǧy äiel alǧan jaraqatynan köz jūmdy. 68 jastaǧy er adamnyŋ jaǧdaiy tūraqty dep baǧalanyp otyr.
Polisiia qyzmetkerlerı küdıktı äieldı bırneşe minut boiy pyşaqtaryn tastauǧa köndıruge tyrysqan. Alaida ol talapqa baǧynbai, tärtıp saqşylaryna qarai ūmtylǧan. Polisiia aldymen elektroşoker qoldanǧan, keiın qaru qoldanuǧa mäjbür bolǧan. Äiel oqiǧa ornynda qaza tapty.
Polisiia komissary Djessika Tiştıŋ aituynşa, küdıktınıŋ psihikalyq densaulyǧyna qatysty polisiiada būrynnan tırkelgen mälımet bolǧan. Atap aitqanda, 2018 jäne 2019 jyldary oǧan qatysty osyndai sipattaǧy oqiǧalar tırkelgenımen, äiel qamauǧa alynbaǧan.
Qūqyq qorǧau organdary būl şabuyldy terrorlyq akt dep sanauǧa negız joq ekenın mälımdedı.
Polisiianyŋ deregınşe, biyl Niu-Iorkte zorlyq-zombylyq qylmystarynyŋ sany aitarlyqtai azaiǧan. Alaida 31 tamyzdaǧy oqiǧa Taims-skverdegı jyl basynan bergı ekınşı ölımmen aiaqtalǧan şabuyl boldy.
