Qostanai qalasynda mas üş er adam polisiia qyzmetkerıne şabuyl jasap, ony balalarynyŋ közınşe ūryp-soqty, dep habarlaidy "Adyrna" ūlttyq portaly.
Oqiǧa sätı videoǧa tüsıp, jelıde tarady. Kadrdan üş adamnyŋ formadaǧy qyzmetkerge şabuyl jasap, jerge qūlatyp, tepkılei bastaǧanyn köruge bolady.
Polisiianyŋ mälımetınşe, janjaldyŋ sebebı qyzmetkerdıŋ eskertuı boldy. Polisei üş adamǧa özderın dūrys ūstaudy sūraǧan. Alaida er adamdar oǧan şabuyl jasaǧan. Sol sätte poliseidıŋ janynda balalary bolǧan. Balalar zardap şekken joq. Qazır polisiia qyzmetkerı ambulatoriialyq em qabyldap jatyr.
Qostanai oblysy polisiia departamentı barlyq şabuyl jasaǧan azamattar anyqtalyp, ūstalǧanyn habarlady. Qylmystyq ıs qozǧalǧan jäne kınälıler tolyq jauapkerşılıkke tartylatyn bolady.
