Pavlodar oblysynda qart adamdarǵa qatygezdik kórsetilgen jantúrshigerlik jaǵdaı anyqtaldy, dep habarlaıdy "Adyrna" ulttyq portaly.
Bul týraly Bas prokýratýra habarlady.
Aqsý qalasynyń prokýratýrasy jergilikti bıýdjetten qarjylandyrylatyn pansıonattardyń birinde beınejazbalardy zertteı kele, egde jastaǵy azamattarǵa zorlyq-zombylyq kórsetilgenin anyqtady. Prokýratýra qyzmetkerleriniń málimetinshe, pansıonat qyzmetkerleri eki qart adamdy uzaq ýaqyt boıy qorlap, qatygezdik kórsetken. Jábirlenýshilerdiń biri – 84 jastaǵy qarııa. Olardy únemi uryp-soǵyp, qoldaryn burap, qystyń sýyǵynda syrt kıimsiz dalada ustaǵan.
"Mekemede túsirilgen beınejazbalardy zertteý barysynda jantúrshigerlik faktiler ashyldy: pansıonat qyzmetkerleri turaqty eki dármensiz qarııany uzaq ýaqyt boıy qorlap, zorlyq-zombylyq kórsetken. Jábirlenýshilerdiń biri - 84 jasta. Olardy únemi uryp-soǵyp, qoldaryn burap, qystyń sýyǵynda syrt kıimsiz aýlada ustaǵan", - delingen habarlamada.
Atalǵan fakti boıynsha QR Qylmystyq kodeksiniń 110-babynyń 2-bóligi ("Azaptaý") boıynsha sotqa deıingi tergeý amaldary bastaldy. Qazirgi ýaqytta kináli adamdar anyqtalǵan. Tergeý múddesine baılanysty tolyq aqparat jarııalanbaıdy.
