Metropolıten – Nıý-Iork qalasyndaǵy jáne álemdegi eń úlken murajaılardyń biri. 1870 jyly negizi qalanǵan.
1.Mýzeıge jyl saıyn 5 mıllıonnan astam adam keledi. Mýzeı kólemi jaǵynan álemde tórtinshi oryndy alady.
2.Ejelgi mysyr abyzy Nedjemahtyń altynmen jalatylǵan sarkofagyn 2017 jyly Nıý-Iorktegi Metropolıten murajaıy satyp alǵan edi. Alaıda sarapshylar bul tabyttyń 2011 jyly urlanǵanyn anyqtap, Egıpetke qaıtaryldy.
3.Murajaıdyń aýmaǵy 18 gektardan asady. Onda 3 mıllıonǵa jýyq eksponattar bar - ejelgiden qazirgi zamanǵy artefaktilerge, ártúrli elder men qurlyqtardan ákelingen.
4. Murajaıdyń 17 bólimi bar, olardyń árqaısysy álemniń belgili bir bóliginiń ónerine nemese tarıhtyń ýaqyt kezeńine arnalǵan.
5.Metropolıten murajaıynyń ereksheligi - meenattar men donorlar qarjylandyrady. Memleket qarajattyń az ǵana bóligin bóledi.
6. Metropolıten toptamasynda 2 mıllıonnan astam óner týyndysy bar, Sonyń ishinde Saqtardan, ǵundardan, grekterden, qypshaqtardan, altynordalyqtardan, moǵoldardan, mámlúkterden qalǵan mol dúnıe osy mýzeıde saqtaýly tur.
Metropolıtende tómendegideı tarıhı jádigerler bar.
.
Ispan sýretshisi, kýbızmniń negizin salýshy Pablo Pıkasso «Oryndyqtaǵy áıel» kartınasy.
Djakomettıdiń «Úsh adamnyń serýeni II» týyndysy.
Golland sýretshisi Vınsten van Gog «Kúnbaǵys» kartınasy.
Altyn Ordany bılegen Áz-Jánibek hannyń dýlyǵasy saqtalǵan.
Osman túrikteri ımperııasynyń XVI ǵasyrdaǵy áskerı qolbasshylary qoldanǵan eri.
Daıyndaǵan: Gúlvıra Asqar, "Adyrna" ulttyq portaly
