Foto: Francis Mascarenhas/REUTERS
Nepal men Tibet şekarasynda bolǧan joiqyn su tasqyny men köşkın saldarynan qaza tapqandar sany 750 adamǧa jettı. Onyŋ 16-sy Tibet aumaǧynda köz jūmǧan. Būl turaly The Kathmandu Post basylymy jazdy, dep habarlaidy "Adyrna".
Nepal bilıgınıŋ soŋǧy mälımetınşe, tabiǧi apat saldarynan elde 750 adam qaza tauyp, 2 498 adam habar-oşarsyz ketken. Joǧalǧandar arasynda 589 şetel azamaty bar.
Qazırgı uaqytta apattan zardap şekken barlyq audandarda ızdestıru-qūtqaru jūmystary jalǧasyp jatyr. Qūtqaru jäne gumanitarlyq operasiialarǧa 19 895 qauıpsızdık qyzmetkerı tartylǧan. Olardyŋ ışınde Nepal armiiasynyŋ 8 399 äskeri qyzmetşısı, 7 213 polisiia qyzmetkerı jäne Qaruly polisiia küşterınıŋ 4 203 qyzmetkerı bar.
Resmi derekke säikes, küştık qūrylymdardyŋ qyzmetkerlerı apat aimaǧynan 8 186 adamdy qūtqarǧan.
Jergılıktı tūrǧyndardyŋ aituynşa, keibır audandarda su deŋgeiınıŋ qaita köterılu qaupı saqtalyp otyr. Dhading okrugınıŋ tūrǧyny Atma Şrestha su tasqynyn baqylau qyzmetınen ekınşı tolqynnyŋ jaqyndaǧany turaly eskertu alǧanyn aitty.
Onyŋ sözınşe, özennıŋ joǧarǧy bölıgınde jinalǧan su aǧyny bögettı būzyp, tömen qarai baǧyt alǧan. Osyǧan bailanysty tūrǧyndarǧa dereu qauıpsız ärı biık jerge köşu tapsyrylǧan.
Tabiǧi apat qūrbandarynyŋ köp boluy mäiıtterdı säikestendıru jūmystaryn da qiyndatyp otyr. Bilık aty-jönı äzırge anyqtalmaǧan marqūmdardy saqtau jäne jeke basyn anyqtau räsımderın jürgızu üşın mäiıtterdı türlı audandardaǧy 21 auruhanaǧa jetkızgen.
Eske salaiyq, 26 tamyzda Nepaldyŋ soltüstıgınde nöser jauynnan keiın su tasqyny men köşkınder bolyp, eldı mekender, avtomobil joldary jäne basqa da infraqūrylym nysandary zardap şekken edı. Tabiǧi apat saldarynan jüzdegen adam qaza tauyp, köptegen tūrǧyn habar-oşarsyz ketken.
Qūtqaru jūmystaryna 13 myŋnan astam adam jūmyldyrylǧan. Būǧan deiın Nepal men Qytai şekarasy maŋynda jürgen ekı qazaqstandyq äielden de habar üzılgenı belgılı bolǧan edı.
