Qazaqstanda et baǧasynyŋ ösuı jalǧasyp jatyr. Äsırese qoi etınıŋ qūny aitarlyqtai qymbattaǧan. 2026 jylǧy şıldede qoi etınıŋ baǧasy ötken jyldyŋ säikes kezeŋımen salystyrǧanda 27,9 paiyzǧa ösken. Būl rette eldegı et öndırısı de artyp, soŋǧy jyldardaǧy rekordtyq deŋgeige jettı, dep habarlaidy "Adyrna".
Energyprom mälımetınşe, qoi etı Qazaqstandaǧy eŋ jyldam qymbattap jatqan et türıne ainaldy. Özge et önımderınıŋ baǧasy da bır jyl ışınde aitarlyqtai ösken. Atap aitqanda, siyr etı 15,1 paiyzǧa, jylqy etı 14,4 paiyzǧa qymbattaǧan.
Qoi etınıŋ baǧasy äsırese köktem men jazdyŋ basynda kürt ösken. Mäselen, mamyr aiynda onyŋ qūny bır aidyŋ ışınde 4,7 paiyzǧa artty. Būl 2011 jyldan berı jürgızılıp kele jatqan statistikadaǧy eŋ joǧary ailyq ösım retınde tırkeldı.
Mausym aiynda qoi etınıŋ baǧasy taǧy 4,2 paiyzǧa köterılse, şıldede 2,3 paiyzǧa östı.
Būǧan deiın Auyl şaruaşylyǧy ministrlıgı baǧanyŋ qymbattauyn Qūrban ait qarsaŋyndaǧy sūranystyŋ artuymen tüsındırgen edı. Vedomstvo Qazaqstanda et tapşylyǧy joq ekenın de mälımdegen. Alaida merekeden keiın de qoi etınıŋ baǧasy tömendemei, ösuın jalǧastyrdy.
Et öndırısı rekordtyq deŋgeige jettı
Baǧanyŋ ösuı et öndırısınıŋ artuy jaǧdaiynda baiqalyp otyr. 2026 jyldyŋ qaŋtar-şılde ailarynda Qazaqstanda 48,2 myŋ tonna jaŋa jäne salqyndatylǧan et öndırılgen. Būl ötken jyldyŋ säikes kezeŋımen salystyrǧanda 9,3 paiyzǧa köp. 2025 jyldyŋ alǧaşqy jetı aiynda būl körsetkış 44,1 myŋ tonnany qūraǧan.
Biylǧy körsetkış 1999 jyldan berı jürgızılıp kele jatqan statistikadaǧy alǧaşqy jetı ai üşın eŋ joǧary kölem bolyp otyr.
Degenmen, ūzaq merzımdı kezeŋmen salystyrǧanda öndırıs kölemınıŋ ösımı asa ülken emes. Mysaly, 2016 jyldyŋ qaŋtar-şılde ailarynda elde 47,2 myŋ tonna et öndırılgen. Qarastyrylyp otyrǧan kezeŋdegı eŋ tömengı körsetkış 2021 jyly tırkelıp, 37,1 myŋ tonnany qūraǧan.
Et baǧasynyŋ qymbattauyna qaramastan, tūrǧyndardyŋ et jäne et önımderın tūtynu kölemı aitarlyqtai özgermegen.
2026 jyldyŋ bırınşı toqsanynda Qazaqstannyŋ bır tūrǧynyna orta eseppen 20,7 kelı et jäne et önımderı tiesılı bolǧan. Bır jyl būryn būl körsetkış 20,6 kelını qūraǧan.
Qazaqstandyqtar arasynda eŋ köp tūtynylatyn et türı – siyr etı. Bır adamǧa toqsanyna orta eseppen 6 kelı siyr etı keledı. Qoi etın tūtynu kölemı şamamen 1,1 kelını, al şoşqa etın tūtynu 0,8 kelını qūraidy.
Sonymen qatar jylqy etınıŋ tūtynu kölemı de artqan. Eger 2021 jyldyŋ bırınşı toqsanynda bır adam orta eseppen 1,8 kelı jylqy etın tūtynsa, 2026 jyldyŋ säikes kezeŋınde būl körsetkış 2,2 kelıge jetken.
Jalpy Qazaqstan boiynşa et baǧasy bır jyl ışınde 15,8 paiyzǧa ösken.
Eŋ joǧary ösım Jetısu oblysynda tırkeldı – 21,9 paiyz. Aqmola jäne Ūlytau oblystarynda et baǧasy 19,6 paiyzǧa, Jambyl oblysynda 17,4 paiyzǧa, Soltüstık Qazaqstan oblysynda 17,1 paiyzǧa, Türkıstan oblysynda 16,7 paiyzǧa qymbattaǧan.
Baǧanyŋ eŋ tömen ösımı Şyǧys Qazaqstan oblysynda baiqaldy – 12,2 paiyz. Qyzylorda oblysynda et qūny 12,9 paiyzǧa, al Almaty oblysynda 13,6 paiyzǧa ösken.
Iаǧni, baǧa ösımı salystyrmaly türde tömen bolǧan öŋırlerdıŋ özınde et bır jyl ışınde 10 paiyzdan astam qymbattaǧan.
2026 jylǧy şıldedegı mälımet boiynşa, süiektı siyr etınıŋ ortaşa baǧasy bır kelısı şamamen 3,8 myŋ teŋgenı qūraǧan. Eŋ joǧary baǧa Almatyda tırkelıp, bır kelısı 4,2 myŋ teŋgege juyqtaǧan. Al Aqtöbede siyr etınıŋ ortaşa baǧasy şamamen 3,4 myŋ teŋge bolǧan.
Qoi etınıŋ ortaşa baǧasy el boiynşa bır kelısı 4,5 myŋ teŋgenı qūrady. Eŋ qymbat qoi etı Astanada satylǧan – bır kelısı şamamen 5,4 myŋ teŋge. Al Kökşetauda qoi etınıŋ baǧasy 3,8 myŋ teŋge şamasynda bolǧan.
Jylqy etınıŋ ortaşa qūny bır kelısı 4,3 myŋ teŋgege jettı. Petropavlda onyŋ baǧasy 4,7 myŋ teŋgege deiın köterılse, Türkıstanda şamamen 4 myŋ teŋgenı qūraǧan.
Al şoşqa etınıŋ ortaşa baǧasy bır kelısı şamamen 3 myŋ teŋge bolǧan.
Osylaişa, Qazaqstanda et öndırısı rekordtyq deŋgeige jetkenımen, būl jaǧdai naryqtaǧy baǧanyŋ tömendeuıne äser etpei otyr. Äsırese qoi etınıŋ bırneşe ai qatarynan qymbattauy tūrǧyndardyŋ şyǧynyna äser etıp, azyq-tülık baǧasynyŋ ösuı mäselesın qaitadan kün tärtıbıne şyǧardy.
