Derekköz: "Qostanai taŋy"
Qostanaida Qūryltai deputattaryn sailauǧa öner jäne mädeniet salasynyŋ ökılderı de belsendı qatysyp jatyr. Qazaqstannyŋ halyq aqyny Äsiia Berkenova jūbaiy Tabyldy aǧamen bırge Jastar saraiynda ornalasqan №857 sailau uchaskesıne kelıp, alǧaş ret ötıp jatqan Qūryltai sailauynda öz taŋdauyn jasady.
Dauys bergennen keiın halyq aqyny jaŋa Qūryltaidyŋ eldıŋ saiasi jäne äleumettık damuyndaǧy rölıne qatysty pıkırın bıldırdı.
– Eldıŋ halyqaralyq bedelı artyp keledı. Endı osy jetıstıkterdı odan ärı nyǧaityp, Jaŋa Qazaqstan reformalaryn jüzege asyru üşın myqty Parlament, iaǧni myqty Qūryltai qajet dep oilaimyn, – dedı Äsiia Berkenova.
Onyŋ pıkırınşe, Qūryltai eldıŋ özektı mäselelerın şeşuge baǧyttalǧan sapaly zaŋnamalyq bastamalarǧa basymdyq beruı tiıs. Deputattar bılımdı, bılıktı, otanşyl ärı el müddesın joǧary qoiatyn azamattardan jasaqtaluy maŋyzdy.
Halyq aqyny «Taza Qazaqstan» ūǧymynyŋ mänı tek qorşaǧan ortanyŋ tazalyǧymen şektelmeitının atap öttı.
– Taza Qazaqstan degenımız – tabiǧaty ǧana taza emes, ar-ojdany taza, ädılettı, halyqtyq Qazaqstan. Eldı osyndai myqty zaŋdarmen qamtamasyz etıp, qoǧamnyŋ ädılettı damuyna jol aşatyn Qūryltai qūrylsa eken degen nietpen öz dauysymdy berdım, – dedı ol.
Äsiia Berkenovanyŋ aituynşa, eldıŋ bolaşaǧyna qatysty şeşımderge är azamat jauapkerşılıkpen qarap, sailauǧa belsendı qatysuy maŋyzdy.
