Qostanaıda sheneýnikter Ahmet Baıtursynov týǵan tarıhı úıdi súrip tastady

2514
Adyrna.kz Telegram
Foto: orda.kz
Foto: orda.kz

Qostanaıda sheneýnikter Ahmet Baıtursynov týǵan tarıhı úıdi súrip tastady. Qazir bul jerde aýyr tehnıkanyń izi ǵana qaldy, dep habarlaıdy “Adyrna” ulttyq portaly.

Halyq aǵartý isiniń júz elý jyldyq mereıtoıynda kirpish úıdi qalpyna keltirý týraly sheshim qabyldandy. Eski irgetas ornynda merdiger qumblok qabyrǵalaryn turǵyza bastady. Olar sapasyz bolyp shyqty.

Jergilikti turǵyndar mádenı nysannyń nelikten jermen-jeksen bolǵanyn túsinbeıdi.

Oblystyń kıeli kartasyndaǵy nysan bir aı buryn buzylǵan. Qurylysshylar tipti bastapqy irgetasyn da saqtaı almady. Ony on úsh jyl buryn jergilikti turǵyndar eski irgetastyń ornyna salǵan. Olar da jaǵdaıdy baqylap otyrdy: shatyrdy áktep, syrlap, jamap tastady. Qazir bul jerde aýyr tehnıkanyń izi ǵana qaldy.

“Mynaý arada Ahmettiń burynǵy úıiniń izi bolǵan. Fýndamenti bunyń qara shymnan kesekten salynǵan edi. Mine, qarap otyrsańdar jobasy osy jerden. Mynaý arada peshpen bólingen edi. Sol peshpen bólingen buryshta bizdiń Ahmet atamyzdyń úıindegi ájemiz osy jerde Ahmet atamyzdy dúnıege ákeldi-aý dep ózimiz oılaıtyn edik. Astan-kesteni shyqqan. Izi de qalmaǵan, dymy da qalmaǵan. Eń sońǵy Ahmettiń ózimizde bar eskertkishinen aıyrylyp qalyp turmyz”, – Ahmet Baıtursynuly aýylynyń turǵyny Jaqsybek Ábdisalyq.

Baıtursynovtyń úıin qalpyna keltirýge bıýdjetten 22 mıllıon teńge bólindi. Biraq qurylys toqtatyldy. Almatylyq merdiger jumys istegen materıal qabyldanbady.

Sheneýnikterdiń aıtýynsha, jergilikti turǵyndar úıdi ózderi buzýdy suraǵan. Bul týraly jıyndarda talaı ret aıtyldy.

“Eki aýyldyń turǵyndary úıdiń apatty jaǵdaıda ekenin aıtyp, másele kóterdi. Aýdan, oblys ákimdikterine júgindi. Sondyqtan biz osyndaı sheshim qabyldadyq”, – dedi Ahmet Baıtursynuly aýylynyń ákimi Nursultan Baıdildın.

Osy kezdesýlerdiń nátıjesinde Ahmet Baıtursynuly týǵan úıdiń ornyna murajaı-úı salýdyń jańa jobalyq qujattamasyn ázirleý týraly sheshim qabyldandy. Turǵyn úı qaıta salynady. Aýdan ákimdigi jańa merdiger izdeýde. Jobanyń quny otyz jeti mıllıon teńgege deıin ósti.

“ Joba boıynsha 149 sharshy metr. Turǵyn úıdi mýzeı úı etip, qaıta qalpyna keltirý jumystaryn júrgizedi. Jobasy 20 maýsymda alynady. PSD-ny jobalaýǵa 1,2 mln teńge demeýshiler atynan isteledi. Al endi úıdiń quny 37 mln bop tur. Ekspertızaǵa deıin. Endi ol ózgelerdi áli”, – Jangeldi aýdandyq qurylys bóliminiń basshysy Ádilbek Imanǵalıev.

Sheneýnikter merdigerdi tańdap jatsa, jergilikti turǵyndar Ahmet Baıtursynulynyń týǵan aýylyna kire beristegi keseneniń qurylysyn aıaqtap jatyr. Aýyl turǵyndary 10 mıllıon teńge jınap, eskertkishti óz kúshterimen turǵyzyp jatyr.

”Adyrna” ulttyq portaly

Pikirler