İordaniia Haşimit Koroldıgı Täuelsız sailau komissiiasynyŋ Komissarlar keŋesınıŋ müşesı, halyqaralyq baqylauşy – Buşra Abu Şuhut Qazaqstan astanasyndaǧy sailau uchaskelerın aralady.
Baiqauşy sailau uchaskelerınıŋ tehnikalyq jabdyqtalu deŋgeiın, sailauşylardy säikestendıru üderısınıŋ jolǧa qoiylǧanyn jäne inkliuzivtılıkke erekşe köŋıl bölıngenın mälım ettı. Onyŋ aituynşa, uchaskelerde erekşe qajettılıkterı bar azamattar üşın barlyq jaǧdai jasalǧan. Sondai-aq, kezektıŋ aldyn alu maqsatynda sailauşylar tızımınıŋ älıpbi retımen bölınuı logistikanyŋ jan-jaqty oilastyrylǧanyn körsetetının aitty.
«Men halyqaralyq baiqauşy retınde būǧan deiın de bırneşe ret jūmys ıstedım, alaida Qazaqstanǧa alǧaş ret kelıp otyrmyn. Jaŋa Konstitusiia qabyldanǧannan keiın elde auqymdy saiasi reformalardyŋ tabysty jüzege asyrylyp jatqanyn körıp otyrmyz. Sonyŋ bırı – jaŋa bır palataly Parlament ülgısıne, iaǧni Qūryltaiǧa köşu. Qazaqstannyŋ parlamenttık jüienı transformasiialau täjıribesı bızde şynaiy käsıbi qyzyǧuşylyq tudyryp otyr. Sondyqtan ony mūqiiat zerdeleitın bolamyz» – dedı ol.
Baqylauşynyŋ aituynşa, ekı eldıŋ sailau jüiesınde aiyrmaşylyq bolǧanymen (İordaniiada ekı palataly Parlament saqtalǧan), Qazaqstan men İordaniia halyqtarynyŋ dılı bır-bırıne öte ūqsas.
«Baiqau barysynda bırneşe sailau uchaskesın aralap, ūiymdastyruşylardyŋ joǧary käsıbilıgıne köz jetkızdık. Sailau komissiialarynyŋ müşelerı öz mındetterın jetık bıledı jäne kez kelgen sūraqqa tolyq jauap bere alady. Barlyq sanattaǧy azamattarǧa, sonyŋ ışınde mümkındıgı şekteulı sailauşylarǧa teŋ jaǧdai jasaudyŋ eŋ joǧary deŋgeide qamtamasyz etılgenın erekşe atap ötkım keledı. Qonaqjailyq tanytqany üşın QR Ortalyq sailau komissiiasyna zor alǧysymdy bıldıremın», – dedı Buşra Abu Şuhut.
Şeteldık baqylauşy Qazaqstandaǧy sailau barysynyŋ joǧary mädenietı men mınsız ūiymdastyryluyna da erekşe toqtaldy. Onyŋ baǧalauynşa, Qazaqstan aşyqtyqtyŋ, demokratiialyq qaǧidattardyŋ jäne zaŋ talaptaryn qataŋ saqtaudyŋ ozyq standarttaryn körsetıp otyr. Sonymen bırge, ol sailau komissiialarynyŋ mınsız jūmysy, naqty jolǧa qoiylǧan logistika men zamanaui tehnologiialardy qoldanu boiynşa Qazaqstannyŋ sailau ötkızu täjıribesın halyqaralyq deŋgeide de joǧary baǧalanatynyn jäne bärıne bırdei baǧdarǧa ainalatynyn aitty.
Baqylauşynyŋ pıkırınşe, Qazaqstan dauys berudı joǧary deŋgeide ūiymdastyryp, eldegı ärbır azamattyŋ sailau qūqyǧyna şynaiy qūrmetpen qaraitynyn körsetıp otyr.
