Ekonomıst Maqsat Halyq saılaýǵa qatysýǵa kýálik aldy. Bul týraly ol óziniń Facebook paraqshasyna jazdy, dep habarlaıdy “Adyrna” ulttyq portaly.
“Qurmetti dostar, saılaýǵa qatysýǵa kýálikti aldym. Endi aldyda úlken doda, jaratqan ózi jar bolsyn!
Aınalamda bolyp jatqan úrdisterdiń kóptigi sonshalyq, qaı dosyma aıttym, qaı dosyma aıtpadym tipti esime túspeı jatyr. Degenmen habarlasyp, qasymnan tabylyp jatqan baýyrlarǵa myń alǵys.
Janashyr dostarym, qandaı kómek bolsa da qabyldanady, shtabyma qosylý, senimdi ókilim bolý, qarjylaı qoldaý bildirý, tipti nıettes, tilektes bolýdyń ózi mańyzdy. Óıtkeni qyryqtyń biri qyzyr, taǵdyrdy bir alla ǵana sheshedi ǵoı.
Arnaıy habarlap jatqanym " Maqsat nege maǵan aıtpadyń?!" degen sózdi erteń estimes úshin, meni baǵalaıtyn, syılaıtyn jandarǵa qarata jazyp jatyrmyn.Sondaı-aq Taldyqorǵan, Tekeli qalalary, Alakól, Aqsý, Kóksý, Sarqan, Eskeldi, Qaratal, Kerbulaq, Panfılov aýdandarynda turatyn meniń áleýmettik jelidegi dostarym bolsa habarlasyńyzdar.
Maqsatty qoldaıyq dep jazbaı tura turyńyzdar, úgit nasıhat jumystary tek 18 aqpan kúni keshki 18-00de bastalatynyn eskertemin. Shyn bolysqyńyz kelse, jekege habar berińiz”, dep jazdy ol.
