Alakölde bırneşe kün boiy ızdeude bolǧan 44 jastaǧy er adamnyŋ denesı tabyldy, dep habarlaidy “Adyrna” tılşısı.
Er adam Alakölge jūbaiy, üş balasy jäne äkesımen bırge demaluǧa kelgen. 17 tamyz künı keşkı uaqytta ol «seruendep kelemın» dep demalys ornynan şyǧyp, qaita oralmaǧan.
Tuystarynyŋ aituynşa, ol kölge şomylmaǧan. Beinebaqylau kameralarynan onyŋ Arbat maŋynda jürgenı anyqtalǧan. Keiın onyŋ ūialy telefony öşıp qalǧan. Telefondy jergılıktı jasöspırım Alaköl jaǧalauynan tauyp, demalys ornynyŋ küzetşısıne tapsyrǧan.
Er adamdy ızdeu jūmystary 18 tamyzda bastalǧan. Izdeuge polisiia qyzmetkerlerı, tötenşe jaǧdailar qyzmetınıŋ mamandary, äskeri qyzmetşıler men erıktıler jūmyldyryldy. Sonymen qatar arnaiy kölıkter men drondar qoldanylǧan.
Bırneşe künge sozylǧan ızdeu barysynda er adamnyŋ denesı demalys oryndarynan şamamen 200 metr qaşyqtyqtaǧy qalyŋ aǧaştardyŋ arasynan tabyldy.
Abai oblysynyŋ polisiia departamentı atalǧan faktı boiynşa sotqa deiıngı tergeu bastalǧanyn habarlady.
Qazır oqiǧanyŋ barlyq män-jaiy anyqtalyp jatyr.
