Qazaqstan Respublikasynyŋ Qorǧanys ministrlıgıne tiesılı tıkūşaqty ızdestıruge Almaty oblysyndaǧy İonosfera institutynyŋ jäne «Geokurs» kompaniiasynyŋ ǧalymdary tartyluda, dep habarlaidy "Adyrna".
Esterıŋızge sala keteiık, äskeri EC-145 tıkūşaq 25 şıldede Lugovoi äuejaiynan ūşyp şyǧyp, radarlardan joǧalǧan bolatyn. Onyŋ bortyna üş ekipaj müşesı otyrǧan. Izdeu jūmystary Sorbūlaq su qoimasynda bastaldy, onda TJM tıkūşaqtyŋ alǧaşqy bölıkterın tapqan.
“Izdeu jūmystaryna İonosfera institutynyŋ jäne «Geokurs» kompaniiasynyŋ tört mamany qosyldy”, dep habarlady Qorǧanys ministrlıgınen.
Vedomstvanyŋ ızdestıru-qūtqaru jūmystary turaly press-relizınde «sudyŋ astyndaǧy jäne jerdegı ızdeu jūmystaryn jürgızetın arnaiy jabdyqtardy qoldanatyn ǧylymi jäne tehnikalyq ūiymdar tartylǧany» körsetılgen. Sonymen qatar, ūşu qiyn aimaqtaryn äueden tekseru, jaǧalau aimaǧyn jäne köldıŋ su aidynyn zertteu jūmystary jürgızılude.
«Qorǧanys ministrı general-leitenant aviasiia Dauren Kosanovtyŋ tapsyrmasymen arnaiy komissiia qūryldy. Oǧan memlekettık aviasiianyŋ ūşular qauıpsızdıgı departamentınıŋ joǧary bılıktı mamandary kırdı. Komissiianyŋ bır bölıgı ızdeu jūmystarymen ainalyssa, ekınşı bölıgı aviasiialyq oqiǧany tergeu şaralaryn jürgızude», – dep atap öttı press-relizde.
Arnaiy komissiia tıkūşaqtyŋ daiyndyq jäne paidalanu qūjattaryn, qūqyq qorǧau organdary men aviasiialyq qyzmetterden alynǧan mälımetterdı, meteorologiialyq jäne ornitologiialyq jaǧdaidy, sondai-aq basqa da faktorlardy zerttep jatyr, dep aitty QR Äue qorǧanysy küşterınıŋ qolbasşysy general-maior Askar İzbasov.
Izdeu-qūtqaru jūmystary 11 künnen berı jalǧasyp jatyr. Qorǧanys ministrlıgınıŋ mälımetınşe, olardy jürgızuge 330-dan astam adam, 59 bırlık avtokölık, 23 jüzu qūraly, 12 ūşqyşsyz ūşu apparaty, sondai-aq eholottar, georadarlar, aviasiia jäne kinologiialyq toptar tartylǧan. Sonymen qatar, ızdeu jūmystaryna Qorǧanys ministrlıgınıŋ mamandarymen qatar TJM, IIM jäne basqa da memlekettık qūrylymdardyŋ qyzmetkerlerı qatysuda.
Aua raiynyŋ kürdelılıgı – tübınıŋ köp tūnbaly boluy, suda körınıstıŋ nöldık deŋgeide boluy jäne aua raiynyŋ özgermelılıgıne qaramastan, jūmystar täulık boiy jürgızılude.
Qorǧanys ministrlıgınde ızdeuler ekipaj müşelerınıŋ taǧdyry anyqtalǧanşa jäne apattyŋ sebepterı anyqtalǧanşa jalǧasatynyn atap öttı.
