Äleumettık jelıde köşede qūlap jatqan jasöspırımderdıŋ beinejazbasy tarady. Video avtory, zaŋger Säule Bikiteevanyŋ aituynşa, oqiǧa Almaty qalasynda bolǧan, dep habarlaidy «Adyrna» tılşısı.
«Ata-analar, balapandaryŋyzǧa qaraŋyzdarşy. Myna körınıs şynymen de qorqynyşty. Arbattan 6 jasöspırımdı kezdestırdım. Olardyŋ jaǧdaiy naşar boldy. Su berıp, jedel järdem şaqyrdym»,—dedı belsendı.
Almaty qalasy boiynşa balalar qūqyqtary jönındegı uäkıl Diana Erlan būl oqiǧaǧa qatysty mälımdeme jasady. Ol jasöspırımderdıŋ polisiia bölımşesıne jetkızılgenın atap öttı.
«Ekı bala ışımdıkten ulanu belgısı boiynşa balalarǧa arnalǧan qalalyq klinikalyq auruhanaǧa jetkızıldı, qalǧandary medisinalyq saraptama üşın aparyldy. Bolǧan oqiǧanyŋ tolyq män-jaiyn polisiia anyqtap jatyr»,—dedı uäkıl.
