Almaty oblysyndaǵy Kosmos aýylynda jeke úılerdiń birinde órt shyǵyp, zeınetker men onyń eki nemeresi kóz jumdy. Bul týraly Almaty oblysy tótenshe jaǵdaılar departamenti málimdedi, dep habarlady “Adyrna” ulttyq portaly.
Qazir órttiń shyǵý sebebi anyqtalyp jatyr.
Málimet boıynsha, túngi ýaqytta jergilikti turǵyndar jeke úılerdiń biri órtenip jatqanyn habarlaǵan.
“Oqıǵa ornyna kelgen qyzmetkerler 90 sharshy metr aýmaqtyń órtengenin kórdi. Úıdi 8 adamnan turatyn otbasy panalaǵan jáne 2021 jyldan beri jalǵa alyp kelgen”, – dedi vedomstvo ókilderi.
Órt sóndirý kezinde 1960 jyly týǵan áıel men 2018 jáne 2019 jyldary týǵan balalardyń máıiti tabylǵan. Esik qalasynyń ortalyq aýdandyq aýrýhanasyna balalardyń anasy, onyń kúıeýi, uly men eki kórshisi jetkizilgen.
Qazir bul jaǵdaı boıynsha Qylmystyq kodekstiń 292-baby 3-bóligi boıynsha tergeý júrip jatyr.
