Zhasproject jobasy aiasynda 30-ǧa juyq jasqa qaitarymsyz grant berılu qarastyrylǧan. Öŋır jastarynyŋ öz käsıbın aşyp, ony ılgerıletuı üşın Zhasproject jobasy ıske qosylady. Jeŋımpazdarǧa 1 mln teŋge qaitarymsyz grant tabystalady. Būl turaly Almaty oblystyq öŋırlık kommunikasiialar qyzmetınıŋ baspasöz alaŋynda Almaty oblysynyŋ Azamattyq Aliansy prezidentı Baljan Dosaly aitty.
«QR Mädeniet jäne Aqparat ministrlıgınıŋ qoldauymen Azamattyq bastamalardy qoldau ortalyǧymen bırlesıp jüzege asyrylyp jatqan Zhasproject jobasy turaly aitylady. Joba jastardy qoldauǧa jäne damytuǧa, olardyŋ käsıbi jäne köşbasşylyq daǧdylaryn arttyru üşın jaǧdai jasauǧa, sondai-aq jergılıktı qoǧamdastyqtyŋ äleumettık problemalaryn şeşuge baǧyttalǧan öz jobasyn ıske asyru mümkındıgıne baǧyttalǧan», - dedı brifingte Baljan Erbolqyzy.
Joba aiasynda qazaqstandyq jastar granttyq konkursqa qatysuǧa ötınım bere alady. Granttyŋ eŋ joǧary somasy - 1 000 000. Sonymen qatar, jobanyŋ barlyq qatysuşylary ömırlık maŋyzy bar daǧdylar men jūmysqa ornalasu daǧdylaryna oqytudan ötıp, mentorlardyŋ qoldauyna ie bolady.
«Jobaǧa öz äleuetın, ömırlık maŋyzdy daǧdylary men köşbasşylyq qasietterın damytuǧa, bastamaşyl ideialar men jobalardy ıske asyruǧa niettı 18 jastan 35 jasqa deiıngı (qosa alǧanda) jastar şaqyrylady. Mūnda äleumettık osal sanattaǧy jastarǧa: tırkelgen jūmyssyz märtebesı bar jastar, az qamtylǧan otbasylarda tūratyn, jetım jäne mügedek adamdarǧa, mügedek balany tärbielep otyrǧan ata-analarǧa, köp balaly otbasylarǧa, sondai-aq "Altyn alqa" jäne "Kümıs alqa" alqalarymen nagradtalǧan köpbalaly analarǧa erekşe basymdyq berıledı», - dedı Almaty oblysynyŋ Azamattyq Aliansy prezidentı Baljan Erbolqyzy.
Kezdesu barysynda jobany ıske asyrudyŋ negızgı aspektılerı, granttyq konkursqa jäne oqytu baǧdarlamasyna qatysu şarttary talqylanady, būdan basqa, spikerler tuyndaǧan barlyq sūraqtarǧa jauap beredı.
Ūqsas jaŋalyqtar
