Zhasproject jobasy aıasynda 30-ǵa jýyq jasqa qaıtarymsyz grant berilý qarastyrylǵan. Óńir jastarynyń óz kásibin ashyp, ony ilgeriletýi úshin Zhasproject jobasy iske qosylady. Jeńimpazdarǵa 1 mln teńge qaıtarymsyz grant tabystalady. Bul týraly Almaty oblystyq óńirlik kommýnıkaııalar qyzmetiniń baspasóz alańynda Almaty oblysynyń Azamattyq Alıansy prezıdenti Baljan Dosaly aıtty.
«QR Mádenıet jáne Aqparat mınıstrliginiń qoldaýymen Azamattyq bastamalardy qoldaý ortalyǵymen birlesip júzege asyrylyp jatqan Zhasproject jobasy týraly aıtylady. Joba jastardy qoldaýǵa jáne damytýǵa, olardyń kásibı jáne kóshbasshylyq daǵdylaryn arttyrý úshin jaǵdaı jasaýǵa, sondaı-aq jergilikti qoǵamdastyqtyń áleýmettik problemalaryn sheshýge baǵyttalǵan óz jobasyn iske asyrý múmkindigine baǵyttalǵan», - dedi brıfıngte Baljan Erbolqyzy.
Joba aıasynda qazaqstandyq jastar granttyq konkýrsqa qatysýǵa ótinim bere alady. Granttyń eń joǵary somasy - 1 000 000. Sonymen qatar, jobanyń barlyq qatysýshylary ómirlik mańyzy bar daǵdylar men jumysqa ornalasý daǵdylaryna oqytýdan ótip, mentorlardyń qoldaýyna ıe bolady.
«Jobaǵa óz áleýetin, ómirlik mańyzdy daǵdylary men kóshbasshylyq qasıetterin damytýǵa, bastamashyl ıdeıalar men jobalardy iske asyrýǵa nıetti 18 jastan 35 jasqa deıingi (qosa alǵanda) jastar shaqyrylady. Munda áleýmettik osal sanattaǵy jastarǵa: tirkelgen jumyssyz mártebesi bar jastar, az qamtylǵan otbasylarda turatyn, jetim jáne múgedek adamdarǵa, múgedek balany tárbıelep otyrǵan ata-analarǵa, kóp balaly otbasylarǵa, sondaı-aq "Altyn alqa" jáne "Kúmis alqa" alqalarymen nagradtalǵan kópbalaly analarǵa erekshe basymdyq beriledi», - dedi Almaty oblysynyń Azamattyq Alıansy prezıdenti Baljan Erbolqyzy.
Kezdesý barysynda jobany iske asyrýdyń negizgi aspektileri, granttyq konkýrsqa jáne oqytý baǵdarlamasyna qatysý sharttary talqylanady, budan basqa, spıkerler týyndaǵan barlyq suraqtarǵa jaýap beredi.
