Qazaqstanda Telegram messendjerındegı tanymal «Daivinchik tanysu» servisınıŋ qyzmetı zaŋsyz dep tanyldy, dep habarlaidy "Adyrna" ūlttyq portaly.
Elde oǧan tyiym salyndy. Tiıstı şeşımdı Almaty qalasynyŋ Alatau audandyq soty audan prokuraturasynyŋ talap aryzy negızınde qabyldady. Sot şeşımıne säikes, serviske şekteu qoiuǧa negızgı sebepterdıŋ bırı – paidalanuşylardyŋ jasyn tekserudıŋ tiıstı tetıkterınıŋ bolmauy jäne kämeletke tolmaǧandardyŋ qauıpsızdıgıne tönetın qauıp.
Alatau audandyq prokuraturasynyŋ internet keŋıstıgıne jürgızgen monitoringı barysynda auditoriiasy milliondaǧan paidalanuşyny qamtityn «Daivinchik tanysu» servisı anyqtalǧan. Tekseru kezınde platformaǧa jas erekşelıgıne qatysty şekteusız kıruge bolatyny jäne kämeletke tolmaǧandardyŋ saualnamalary da ornalastyrylǧany anyqtalǧan.
Prokuratura sotqa bergen aryzynda servistıŋ baqylausyz jūmys ısteuı balalardyŋ qauıpsızdıgıne naqty qater töndıretının körsetken. Sot otyrysynda prokuratura ökılı platforma arqyly kämeletke tolmaǧandarǧa qatysty qylmys jasalǧan jaǧdaidyŋ tırkelgenın de mälımdedı. Tergeu materialdaryna säikes, 2007 jyly tuǧan kämeletke tolmaǧan qyz 2025 jyldyŋ säuırınde «Daivinchik» arqyly küdıktımen tanysyp, keiın onymen jynystyq qatynasqa tüsken.
Prokuratura būl jaǧdaidy platformanyŋ kämeletke tolmaǧandardyŋ jynystyq qolsūǧylmauşylyǧyna qarsy qylmystardyŋ jasaluyna qauıp töndıretının däleldeitın faktorlardyŋ bırı retınde keltırdı. Sot şeşımı oryndau üşın uäkılettı memlekettık organdarǧa jıberıldı. Ony ıske asyru mındetı mädeniet jäne aqparat ministrlıgıne jäne sifrlyq damu ministrlıgıne jüktelgen.
