Almatyda Seifullin daŋǧyly boiynda ekı jürgızuşı arasynda bolǧan janjaldan keiın qylmystyq ıs qozǧaldy, dep habarlaidy "Adyrna" ūlttyq portaly.
Oqiǧaǧa qatysty beinejazba äleumettık jelılerde taraǧan.
Oqiǧa Forum sauda ortalyǧynyŋ maŋynda bolǧan. Äleumettık jelıde taraǧan kadrlardan qara tüstı ROX 01 kölıgınıŋ jürgızuşısı jolǧa qosylyp, kerı būryluǧa äreket jasaǧany körınedı. Osy kezde negızgı jolmen kele jatqan basqa kölık oǧan jol bermegen. Keiın kölık jürgızuşılerı arasynda janjal tuyndaǧan. Beinejazbada ROX 01 jürgızuşısınıŋ ekınşı kölıktıŋ jürgızuşısın toqtatqany, kölıkten tüsken er adamǧa soqqy jasaǧany baiqalady. Soqqydan keiın er adam jerge qūlaǧan.
Almaty polisiia departamentınıŋ mälımetınşe, oqiǧaǧa qatysty Bostandyq audandyq polisiia basqarmasy dene jaraqatyn keltıru faktısı boiynşa qylmystyq ıstı tergep jatyr.
Polisiia oqiǧanyŋ bırneşe apta būryn bolǧanyn habarlady. Qazırgı uaqytta janjalǧa qatysuşylardyŋ barlyǧy anyqtalǧan. Olarmen qajettı prosessualdyq ıs-şaralar jürgızılıp jatyr. Tergeu qorytyndysy boiynşa qatysuşylardyŋ äreketterıne qūqyqtyq baǧa berıledı.
