Maŋǧystau oblysynda Memleket basşysynyŋ bastamasymen jariialanǧan Halyqaralyq volonterler jyly aiasynda «Caspian Sea Action Week – 2026» halyqaralyq volonterlık aptalyǧynyŋ saltanatty aşylu räsımı öttı, dep habarlaidy "Adyrna".
Būl turaly oblys äkımınıŋ orynbasary Ashat Oralov jazdy.
Onyŋ aituynşa, Kaspii teŋızınıŋ ekojüiesın saqtauǧa baǧyttalǧan halyqaralyq joba Kaspii maŋy elderınıŋ küş-jıgerın bırıktıretın ırı ekologiialyq bastama sanalady.
Is-şaraǧa Maŋǧystau oblysynyŋ äkımı Nūrdäulet Qilybai, halyqaralyq ūiymdardyŋ ökılderı, Kaspii maŋy memleketterınıŋ resmi delegasiialary, ekologiia salasynyŋ sarapşylary, jastar ūiymdarynyŋ müşelerı men volonterler qatysty. Aptalyq aiasyndaǧy ıs-şaralarǧa Qazaqstan, Äzerbaijan, Resei, Türıkmenstan, İran, Özbekstan, Qyrǧyzstan jäne Täjıkstannan 2 myŋnan astam adam qatysuda.
Saltanatty räsımde söz söilegen Maŋǧystau oblysynyŋ äkımı Nūrdäulet Qilybai mūndai halyqaralyq bastamanyŋ öŋırde ötuı Maŋǧystaudyŋ ekologiialyq yntymaqtastyqty damytudaǧy rölın küşeitetının atap öttı.
Sondai-aq Tegeran konvensiiasynyŋ Uaqytşa hatşylyǧynyŋ üilestıruşısı M. Äliev pen Qazaqstan Respublikasy Mädeniet jäne aqparat ministrlıgınıŋ Jastar jäne otbasy ısterı komitetınıŋ töraǧasy Qairat Qambarov qatysuşylardy qūttyqtap, Kaspii teŋızınıŋ ekojüiesın qorǧauda memleketterdıŋ bırlesken ıs-qimylynyŋ maŋyzyn atap öttı.
Is-şara konserttık baǧdarlamamen jalǧasyp, alǧaş ret «Caspian Sea Action Week – 2026» halyqaralyq volonterlık aptalyǧynyŋ resmi änūrany oryndaldy.
6–12 tamyz aralyǧynda aptalyq aiasynda paneldık pıkırtalastar, ekologiialyq aksiialar, Clean Caspian Challenge halyqaralyq jaǧalau tazalau nauqany, Caspian Hackathon, TED formatyndaǧy kezdesuler, Bozjyra şatqalyna ekspedisiia jäne Caspian Sea Talks halyqaralyq sammitı ötedı.
Joba Qazaqstan Respublikasy Mädeniet jäne aqparat ministrlıgınıŋ qoldauymen Maŋǧystau oblysy äkımdıgı jäne Bırıkken Ūlttar Ūiymynyŋ Volonterler baǧdarlamasymen (UNV) bırlesıp jüzege asyrylyp jatyr.
