Memleket basşysy Qasym-Jomart Toqaev 7 qazanda jūmys saparymen Türkımenstanǧa bardy. Prezidenttı äuejaidan Türkımenstan Ministrler kabinetı töraǧasynyŋ orynbasary – Syrtqy ıster ministrı Raşid Meredov qarsy aldy, dep habarlaidy «Adyrna» tılşısı.
8-9 qazan künderı Qasym-Jomart Toqaev Türkımenstan prezidentı Serdar Berdımūhamedovtıŋ şaqyruymen Avaza qalasynda ötetın bırqatar halyqaralyq ıs-şaralarǧa qatysady.
Sapar aiasynda memleket basşysy Ortalyq Aziia memleketterı men Äzerbaijan basşylarynyŋ VIII Konsultativtık kezdesuıne, TMD memleketterı basşylary keŋesınıŋ otyrysyna jäne Kaspii ekologiia sammitıne qatysudy josparlap otyr.
Atalǧan jiyndarda öŋırlık yntymaqtastyqty nyǧaitu, ekonomikalyq bailanystardy keŋeitu jäne ekologiialyq qauıpsızdık mäselelerı talqylanbaq.
