Maŋǧystau oblysynda bıregei bılım beru jobasy jüzege asyrylady. Jaŋaözen qalasynda sifrlyq ekonomika, joǧary tehnologiialyq öndırıster jäne bolaşaq mamandyqtary üşın bılıktı kadrlar daiarlauǧa baǧyttalǧan jaŋa buynnyŋ zamanaui pänaralyq IT-kolledjı salynady.
Jobany Maŋǧystau oblysynyŋ äkımı Nūrdäulet Qilybaiǧa Halyk qaiyrymdylyq qory men «Tälımger» ortalyǧynyŋ ökılderı tanystyrdy.
Jaŋa IT-kolledjı tehnikalyq jäne käsıptık bılım berudıŋ zamanaui modelıne negızdelıp, aqparattyq tehnologiialar, injeneriia, jasandy intellekt jäne käsıpkerlık baǧyttaryn bırıktıredı. Studentter taŋdaǧan mamandyǧyna qaramastan sifrlyq tehnologiialar men jasandy intellekt qūraldaryn meŋgerıp, olardy ekonomikanyŋ türlı salalarynda qoldanu daǧdylaryn igeredı.
Kolledjdıŋ bılım beru modelı injenerlık pänderdı, aqparattyq tehnologiialardy, jasandy intellektını jäne käsıpkerlık daǧdylardy bırtūtas bılım beru üderısıne yqpaldastyratyn pänaralyq täsılge negızdeledı. Būl tülekterdıŋ eŋbek naryǧyndaǧy özgerısterge jedel beiımdeluıne, zamanaui ekonomikanyŋ talaptaryna sai joǧary sūranysqa ie maman bolyp qalyptasuyna mümkındık beredı.
Kezdesu barysynda oblys äkımı būl joba eldıŋ adami kapitaldy damytu, sifrlandyru jäne bılıktı kadrlar daiarlau baǧytyndaǧy strategiialyq basymdyqtaryna tolyq säikes keletının atap öttı.
– Memleket basşysy Qasym-Jomart Toqaev tehnikalyq jäne käsıptık bılım berudı damytu, bılıktı kadrlar daiarlau jäne zamanaui tehnologiialardy engızu elımızdıŋ bäsekege qabılettılıgın arttyrudyŋ negızgı şarttary ekenın bırneşe ret atap öttı. Jaŋaözende salynatyn IT-kolledj osy strategiialyq mındetterge tolyq säikes keledı. Būl jai ǧana zamanaui oqu orny emes, jasandy intellektımen, sifrlyq tehnologiialarmen jäne ozyq injenerlık şeşımdermen jūmys ıstei alatyn jaŋa buyn mamandaryn daiarlaityn ortalyq bolady. Aldaǧy onjyldyqtarda öŋır men el ekonomikasynyŋ damuyn däl osyndai kadrlar aiqyndaidy. Bız būl jobanyŋ jüzege asuyna jan-jaqty qoldau körsetemız. Sebebı bılım men adami kapitalǧa salynǧan investisiia – Maŋǧystau oblysy men Qazaqstannyŋ bolaşaǧyna salynǧan investisiia, – dedı Nūrdäulet Qilybai.
Kolledjde jasandy intellektını bılım beru üderısıne engızuge erekşe nazar audarylady. Oqu orny tehnikalyq jäne käsıptık bılım beru jüiesınde jasandy intellekt tehnologiialaryn qoldanu boiynşa öŋırlık qūzyretter ortalyǧyna ainalady. Mūnda zamanaui bılım beru ädıstemelerı engızılıp, sifrlyq mansaptyq damu qūraldary äzırlenedı jäne ömır boiy bılım alu qaǧidatyna negızdelgen üzdıksız oqytu modelderı synaqtan ötkızıledı.
Jobanyŋ taǧy bır maŋyzdy baǧyty – mamandyq taŋdaudan bastap jūmysqa ornalasuǧa deiın bılım aluşylardy süiemeldeuge mümkındık beretın sifrlyq mansaptyq navigasiia jüiesın engızu. Būl bılım beru ūiymdary, jūmys beruşıler jäne öŋır ekonomikasynyŋ qajettılıkterı arasyndaǧy bailanysty küşeituge yqpal etedı.
Jobanyŋ ıske asyryluy Maŋǧystau oblysyndaǧy tehnikalyq jäne käsıptık bılım beru jüiesın damytudaǧy maŋyzdy kezeŋ bolmaq. Jaŋa IT-kolledj sifrlyq jäne injenerlık qūzyretterı joǧary, tehnologiialyq özgerısterge beiım, öŋır men el ekonomikasynyŋ damuyna üles qosa alatyn bılıktı mamandar daiarlauǧa mümkındık beredı.
