Naýryznama tujyrymdamasy aıasynda 18 naýryz – ulttyq kıim kúnine oraı Oral qalasynda ulttyq úlgidegi synyptar sherýi ótti. Sharaǵa Oral qalasynyń ákimi Mırjan Satqanov, oblystyq qoǵamdyq damý basqarmasynyń basshysy Gúljana Shókeeva, oblystyq bilim basqqarmasynyń basshysy Aıgúl Myńbaeva jáne qala mektepterinen 300-ge jýyq oqýshy qatysty.
Qala mektepteriniń oqýshylary Naýryz aıynyń alǵashqy kúninen mektepke ulttyq úlgidegi kıimmen kelýdi bastady. Bastaýysh býyn oqýshylarynan bastaý alǵan bastamany, basqa da oqýshylar qoldap, ár synyp óz erekshelikterimen mektep formasyn ulttyq úlgimen úndestirdi. Olardyń birqatary Ulttyq kıim kúnine oraı ótkizilgen sherýge qatysty. Ár synyptyń kıim úlgileri tanystyrylyp, ádebı mýzykalyq kompozıııa arqyly qyzdardyń balalyq shaqtan, ana bolǵanǵa deıngi kıetin bas kıimderiniń erekshelikteri týraly túsindirildi. Sonymen qatar jergilikti ismer-pedagogterdiń qolynan shyqqan ulttyq naqyshtyń zamanaýı kıimmen úndestirilgen toptamalarynyń kórsetilimi usynyldy.
Qala ákimi Mırjan Satqanov oblys basshysy atynan Naýryz meıramymen quttyqtap, ulttyq kıimdi ulyqtaýdy erte jastan balalarǵa túsindirip, ulttyq qundylyǵymyzdy dáripteý men kúndelikti kııýge umtylýdyń oń bastama ekenin atap ótti.
– Memleket basshysy Qasym Jomart Kemeluly kúni keshe Atyraý tórinde ótken Ulttyq quryltaı jıynynda «Ulttyq kıim kúnin» engizýdiń mańyzdylyǵyna aıryqsha basymdyq berip, «Basqa jurt qazaqty kıiminen tanıtyn bolýy kerek. Biz basqalarǵa elikteýshilikten, ásire-dinshildikten saqtanyp, salt-dástúrimizden ajyramaýymyz kerek» degen bolatyn. Qazaqtyń salt-dástúri men ádet-ǵurpy, mádenıeti de ulttyń kıiminde. Osy jyly eńbek ujymdary men oqý oryndary ulttyq naqyshta kıiný úrdisin engizgenin baıqap júrmiz. Osyndaı bastamany batysqazaqstandyq bilim uıymdarynyń qoldaǵany da kóńil qýantady. Búgingi shara – sonyń kýási! Ata-analar da qoldaý bildirse, ulttyq mádenıetimizdi kórsetetin ulttyq naqyshtaǵy elementtermen mektep formasyn Mektep jarǵysyna engizýdi usynýǵa bolady dep oılaımyn. – dedi qala basshysy Mırjan Munaıdaruly.
Shara barysynda oqýshylar daıyndaǵan kıizden jasalǵan buıymdar, taqııalar men áshekeıler jáne basqa qolóner buıymdarynyń kórmesi uıymdastyryldy.
Ónerli balǵyndar Naýryz merekesine oraı kúmbirletip kúı shertip, kórkem bı, ásem ánderin tartý etti.
Aıta keteıik, 14 naýryzdan bastalǵan Naýryznama onkúndigi aıasynda qalalyq bilim berý uıymdarynda ár kúni qazaqtyń salt-dástúri men ulttyq bolmysyn ashyp kórsetýge baǵyttalǵan is-sharalar uıymdastyrylyp, Naýryz toıy keń kólemde atalyp ótilýde.
Elmıra Nýgmanova
