Nauryznama tūjyrymdamasy aiasynda 18 nauryz – ūlttyq kiım künıne orai Oral qalasynda ūlttyq ülgıdegı synyptar şeruı öttı. Şaraǧa Oral qalasynyŋ äkımı Mirjan Satqanov, oblystyq qoǧamdyq damu basqarmasynyŋ basşysy Güljana Şökeeva, oblystyq bılım basqqarmasynyŋ basşysy Aigül Myŋbaeva jäne qala mektepterınen 300-ge juyq oquşy qatysty.
Qala mektepterınıŋ oquşylary Nauryz aiynyŋ alǧaşqy künınen mektepke ūlttyq ülgıdegı kiımmen keludı bastady. Bastauyş buyn oquşylarynan bastau alǧan bastamany, basqa da oquşylar qoldap, är synyp öz erekşelıkterımen mektep formasyn ūlttyq ülgımen ündestırdı. Olardyŋ bırqatary Ūlttyq kiım künıne orai ötkızılgen şeruge qatysty. Är synyptyŋ kiım ülgılerı tanystyrylyp, ädebi muzykalyq kompozisiia arqyly qyzdardyŋ balalyq şaqtan, ana bolǧanǧa deingı kietın bas kiımderınıŋ erekşelıkterı turaly tüsındırıldı. Sonymen qatar jergılıktı ısmer-pedagogterdıŋ qolynan şyqqan ūlttyq naqyştyŋ zamanaui kiımmen ündestırılgen toptamalarynyŋ körsetılımı ūsynyldy.
Qala äkımı Mirjan Satqanov oblys basşysy atynan Nauryz meiramymen qūttyqtap, ūlttyq kiımdı ūlyqtaudy erte jastan balalarǧa tüsındırıp, ūlttyq qūndylyǧymyzdy därıpteu men kündelıktı kiiuge ūmtyludyŋ oŋ bastama ekenın atap öttı.
– Memleket basşysy Qasym Jomart Kemelūly künı keşe Atyrau törınde ötken Ūlttyq qūryltai jiynynda «Ūlttyq kiım künın» engızudıŋ maŋyzdylyǧyna airyqşa basymdyq berıp, «Basqa jūrt qazaqty kiımınen tanityn boluy kerek. Bız basqalarǧa elıkteuşılıkten, äsıre-dınşıldıkten saqtanyp, salt-dästürımızden ajyramauymyz kerek» degen bolatyn. Qazaqtyŋ salt-dästürı men ädet-ǧūrpy, mädenietı de ūlttyŋ kiımınde. Osy jyly eŋbek ūjymdary men oqu oryndary ūlttyq naqyşta kiınu ürdısın engızgenın baiqap jürmız. Osyndai bastamany batysqazaqstandyq bılım ūiymdarynyŋ qoldaǧany da köŋıl quantady. Bügıngı şara – sonyŋ kuäsı! Ata-analar da qoldau bıldırse, ūlttyq mädenietımızdı körsetetın ūlttyq naqyştaǧy elementtermen mektep formasyn Mektep jarǧysyna engızudı ūsynuǧa bolady dep oilaimyn. – dedı qala basşysy Mirjan Mūnaidarūly.
Şara barysynda oquşylar daiyndaǧan kiızden jasalǧan būiymdar, taqiialar men äşekeiler jäne basqa qolöner būiymdarynyŋ körmesı ūiymdastyryldy.
Önerlı balǧyndar Nauryz merekesıne orai kümbırletıp küi şertıp, körkem bi, äsem änderın tartu ettı.
Aita keteiık, 14 nauryzdan bastalǧan Nauryznama onkündıgı aiasynda qalalyq bılım beru ūiymdarynda är künı qazaqtyŋ salt-dästürı men ūlttyq bolmysyn aşyp körsetuge baǧyttalǧan ıs-şaralar ūiymdastyrylyp, Nauryz toiy keŋ kölemde atalyp ötılude.
Elmira Nugmanova
