Asa ırı mölşerdegı alaiaqtyq jasady degen küdıktı Gruziiadan ekstradisiialandy. Būl turaly 6 tamyzda Bas prokuraturanyŋ baspasöz qyzmetı aitty, dep habarlaidy «Adyrna» tılşısı.
«Bügın Bas prokuratura men Işkı ıster ministrlıgı İnterpolynyŋ qyzmetkerlerı Gruziiadan asa ırı mölşerdegı alaiaqtyq jasady degen küdıkpen Qazaqstan Respublikasynyŋ azamatyn ekstradisiialady. Ol 2021 jylǧy qaŋtar men 2022 jylǧy aqpan aralyǧynda Atyrau qalasynda Kiprdan päter satyp aluǧa järdem körsetemın degen syltaumen, bırneşe aqşalai audarym arqyly, Qazaqstan Respublikasynyŋ azamatşasynyŋ 100 million teŋgeden astam aqşalai qarajatyn alaiaqtyq jolmen jymqyryp ketken dep küdıktelude»,–delıngen habarlamada.
Qylmys jasaǧannan keiın küdıktı jasyrynyp, osyǧan bailanysty halyqaralyq ızdeuge jariialanǧan.
2026 jylǧy mausymda ol Gruziia aumaǧynda ūstalyp, Bas prokuraturanyŋ sūrau saluy boiynşa Qazaqstanǧa ekstradisiialanǧan.
Qazırgı uaqytta küdıktı tergeu izoliatoryna qamauǧa alyndy.
Oǧan taǧylyp otyrǧan qylmys üşın mülkı tärkılenıp, belgılı bır lauazymdardy atqaru nemese belgılı bır qyzmetpen ainalysu qūqyǧynan on jylǧa deiıngı merzımge aiyra otyryp, on jylǧa deiıngı merzımge bas bostandyǧynan aiyru jazasy közdelgen.
