Astanada avtonesie arqyly azamattar men bankterdı aldaǧan qylmystyq topqa qatysty sot ükımı jariialandy, dep habarlaidy "Adyrna" tılşısı.
Sot deregınşe, top müşelerı 96 avtokölıktı zaŋsyz iemdenıp, joq 47 kölıkke nesie räsımdeu arqyly jalpy kölemı şamamen 2 mlrd teŋge şyǧyn keltırgen.
Sotta anyqtalǧandai, qylmystyq toptyŋ qūramynda 13 adam bolǧan. Olardyŋ qatarynda bank qyzmetkerlerı, «Azamattarǧa arnalǧan ükımet» memlekettık korporasiiasynyŋ qyzmetkerlerı, kölık tasymaldauşylar men deldaldar bolǧan.
Tergeu nūsqasy boiynşa, alaiaqtar azamattarǧa avtokölıktı nesiege alyp, keiın ony tiımdı şartpen jalǧa berudı ūsynǧan. Nesie räsımdeu kezınde ötınış beruşılerdıŋ tabysy jasandy türde joǧary körsetılıp, bank maqūldauyn alu jeŋıldetılgen.
Nesiege alynǧan kölıkter keiın ūiymdasqan top müşelerınıŋ qolyna ötıp, olardyŋ bır bölıgı karşeringte paidalanylǧanymen, basym bölıgı Reseige şyǧarylyp, esepten alynyp satylǧan. Osy shema nätijesınde 70-ten astam qazaqstandyq 1 mlrd teŋgeden astam şyǧynǧa ūşyraǧan.
Sonymen qatar, tergeu barysynda «Azamattarǧa arnalǧan ükımet» qyzmetkerlerınıŋ qatysuymen mülde bolmaǧan avtokölıkterdıŋ tırkelgenı anyqtaldy. Qylmystyq top jalǧan qūjattar äzırlep, VIN-kodtar men memlekettık nömırler jasap, keiın sol «kölıkterge» üşınşı tūlǧalar arqyly nesie räsımdegen. Osylaişa jalpy qūny 743 mln teŋgege juyq 47 jalǧan avtokölık räsımdelgen.
Sot ükımımen qylmystyq toptyŋ jetekşısı 10 jylǧa bas bostandyǧynan aiyryldy. Qalǧan müşelerı 6 jyldan 8 jylǧa deiın, al memlekettık korporasiianyŋ qyzmetkerlerı 3 jylǧa jetpeitın merzımge sottaldy.
