Amerıkalyq Wabtec kompanııasy endi Qazaqstandaǵy "Lokomotıv qurastyrý zaýyty" AQ akııalaryna tolyq ıelik etedi. Bul týraly Railway Supply málimdedi, dep habarlaıdy “Adyrna” ulttyq portaly.
Málimet boıynsha, byltyr qazan-jeltoqsan aılaryndaǵy esepke sáıkes, Wabtec LKZ akııalarynyń 50% 81 mıllıon dollarǵa satyp aldy.
Aıta ketsek, buǵan deıin akııalardyń jartysyna "Transmashholdıng" AQ ıelik etken edi.
"Bul qadamǵa 2023 jylǵy qarashada Qazaqstandaǵy ózara túsinistik týraly memorandýmdarǵa qol qoıǵannan keıin barǵan. Osy qujatta kórsetilgen barlyq mámile oryndalsa, Wabtec-tiń Qazaqstanǵa tehnıka jetkizýden túsken paıdasy 2 mıllıard dollar bolady", – dep atap ótti portal.
Al QTJ ulttyq temirjol kompanııasy lokomotıv parkiniń 15 paıyzyn jańartyp, 240 Wabtec lokomotıvin satyp alý úshin amerıkalyq Citibank-ten 900 mıllıon dollar qaryz alýdy josparlap otyr.
Eske sala keteıik, byltyr qyrkúıekte prezıdent Qasym-Jomart Toqaev Wabtec kompanııasynyń bas atqarýshy dırektory Rafael Santanany qabyldady. Kezdesýde Qazaqstannyń temirjol salasyn qaıta qurý aıasynda Wabtec kompanııasymen yntymaqtastyq perspektıvalary talqylandy.
