Rım Papasy Franısk prezıdent Qasym-Jomart Toqaevqa Qazaqstanǵa kelý josparyn rastady, dep habarlaıdy “Adyrna” ulttyq portaly Aqordanyń baspasóz qyzmetine silteme jasap.
«Qasym-Jomart Toqaev Rım Papasy Franıskpen beınekonferenııa arqyly kelissózder júrgizdi. Kezdesý barysynda Qazaqstan men Vatıkan arasyndaǵy yntymaqtastyqty nyǵaıtý perspektıvalary, sondaı-aq konfessııaaralyq kelisim men dinaralyq dıalogty ilgeriletý máseleleri talqylandy», - delingen habarlamada.
Aǵymdaǵy jyldyń qyrkúıek aıynda Qazaqstan astanasynda ótetin Álemdik jáne dástúrli dinder kóshbasshylarynyń VII seziniń kún tártibine erekshe nazar aýdaryldy. Qasym-Jomart Toqaev bul oqıǵanyń Qazaqstan úshin mańyzy zor ekenin atap ótti.
Memleket basshysy suhbattasýshyny konfessııaaralyq kelisim men birliktiń qazaqstandyq úlgisi týraly habardar etti, sondaı-aq aýqymdy saıası jáne ekonomıkalyq reformalardyń júzege asyrylý barysy týraly aıtty.
Rım Papasy Memleket basshysyna kezdesý múmkindigi úshin rızashylyǵyn bildirdi jáne onyń Qazaqstanǵa resmı saparyn, sondaı-aq Álemdik jáne dástúrli dinder kóshbasshylarynyń VII sezine qatysýyn rastady. Ol aldaǵy sapar men forýmǵa qatysýdan úlken úmit kútetinin atap ótti.
«Men dinaralyq dıalogty, memleketterdiń birligin jáne jaqyndasýyn ilgeriletý turǵysynan osy mańyzdy oqıǵany asyǵa kútemin, bul búgingi kúni óte mańyzdy», - dedi Franısk.
Ol qazirgi kúrdeli geosaıası jaǵdaıda álemdegi birlik pen kelisimge qol jetkizýdiń aıryqsha mańyzdylyǵyn atap ótti.
«Biz sizderdiń elderińizdiń qanshalyqty jan-jaqty jáne birtutas ekenin kórip otyrmyz. Bul turaqtylyqtyń negizi. Qazaqstannyń muny túsingenine qýanyshtymyz. Siz meniń qoldaýyma tolyǵymen sene alasyz, men sizdiń kúsh-jigerińizdi baǵalaımyn», - dedi Rım Papasy.
