Jaŋa Qaraǧandy – Jezqazǧan respublikalyq avtojolynyŋ Jaŋaarqadan Qaraǧandy baǧytyna qarai sozylǧan uchaskesınde qūrylys jūmystarynyŋ daiyndyq kezeŋı qarqyndy jalǧasyp jatyr. Qazırgı uaqytta merdıger ūiymdar bolaşaq avtojoldyŋ negızın daiyndau jūmystaryna kırısken.
Jaŋa respublikalyq maŋyzy bar avtojoldyŋ jalpy ūzyndyǧy 457 şaqyrymdy qūraidy. Onyŋ 122 şaqyrymy Qaraǧandy oblysynyŋ aumaǧy arqyly ötedı. II tehnikalyq sanatqa jatatyn ekı jolaqty jaŋa trassa qoldanystaǧy jolmen qatar salynyp jatyr jäne paidalanuǧa berılgennen keiın qauıpsızdık pen sapaǧa qoiylatyn zamanaui talaptarǧa tolyq säikes bolady.
Bügınde nysanda qūrylys jūmystarynyŋ daiyndyq kezeŋı jürgızılude. Merdıgerler jekelegen uchaskelerde qūnarly topyraq qabatyn alyp tastap, jol tösemınıŋ negızın josparlau jäne nyǧyzdau jūmystaryn atqaruda. Sonymen qatar geologiialyq jäne geodeziialyq ızdestıru jūmystary jürgızılıp jatyr.
Būǧan qosa, vahtalyq qalaşyqtar men öndırıstık bazalar ornalasatyn alaŋdar äzırlenıp, qūrylys tehnikasyn, jabdyqtar men mamandardy jūmyldyru jalǧasuda.
Jobanyŋ tapsyrys beruşısı – «QazAvtoJol» ŪK» AQ.
Jobanyŋ basty erekşelıgı – DBM modelınıŋ qoldanyluy. Būl modelge säikes merdıger nysannyŋ bükıl ömırlık siklıne jauap beredı: jobalau men qūrylys jūmystarynan bastap, jol paidalanuǧa berılgennen keiıngı jetı jyl boiy ony kütıp-ūstauǧa deiın. Mūndai täsıl qūrylys jūmystarynyŋ sapasyn arttyruǧa, jobanyŋ qymbattauy men merzımınıŋ keşıgu täuekelderın barynşa azaituǧa, sondai-aq jobany tiımdı jüzege asyruǧa mümkındık beredı.
Qaraǧandy – Jezqazǧan avtojolyn qaita jaŋǧyrtu Qazaqstannyŋ kölık infraqūrylymy üşın strategiialyq maŋyzǧa ie. Qūrylys aiaqtalǧannan keiın jaŋa trassa elımızdıŋ ortalyq, soltüstık jäne oŋtüstık öŋırlerın özara bailanystyratyn maŋyzdy kölık dälızıne ainalady. Sonyŋ nätijesınde jol qozǧalysynyŋ qauıpsızdıgı artyp, avtojoldyŋ ötkızu qabıletı ūlǧaiady, sondai-aq tūrǧyndar men jük tasymaldauşylardyŋ jol jüru uaqyty edäuır qysqarady.
Avtokölık qozǧalysyn aşu jekelegen uchaskelerdıŋ daiyn boluyna qarai kezeŋ-kezeŋımen jüzege asyrylady. Al jaŋa Qaraǧandy – Jezqazǧan avtojolynyŋ qūrylysyn tolyq aiaqtau 2029 jylǧa josparlanǧan.
