31 şıldede «Ile-Balqaş» memlekettık tabiǧi rezervatynyŋ aumaǧynda Ümıt esımdı amur jolbarysy tabiǧi ortaǧa jıberıldı, dep habarlaidy "Adyrna".
Ümıt mamyr aiynda Reseiden Qazaqstanǧa bır atalyq jolbarys jäne ekı küşıgımen bırge jetkızılgen.
«Bügın bız şyn mänınde tarihi oqiǧanyŋ kuäsı bolyp otyrmyz. Qazaqstan aumaǧynda jolbarys joiylyp ketkenıne 70 jyldan astam uaqyt ötken soŋ alǧaş ret jolbarys özınıŋ tarihi mekendeu arealyna qaita jıberıldı. Būl – memleketımızdıŋ, reseilık ärıptesterımızdıŋ, ǧalymdar men halyqaralyq serıktesterdıŋ köp jylǧy bırlesken eŋbegınıŋ nätijesı. Alda jolbarystardy tūraqty baqylau jäne ornyqty populiasiia qalyptastyru baǧytynda auqymdy jūmys kütıp tūr. Degenmen bügın osy maŋyzdy ıstıŋ alǧaşqy ärı asa maŋyzdy qadamy jasaldy», – dedı Ekologiia jäne tabiǧi resurstar ministrı Erlan Nysanbaev.
Tabiǧatqa jıberıler aldynda ol veterinarlyq tekseruden ötken. Jolbarysqa GPS-qarǧybau taǧylǧan. Endı mamandar onyŋ qozǧalysyn sputnik pen fototūzaqtardyŋ kömegımen baqylap otyrady.
Al Tūran men Ussuri atty ekı küşık 18 aiǧa deiın zoologtardyŋ baqylauynda bolady
